593/2026-2027 

Siaha the 19th May 2026 : Janjatiya Garima Utsav 2026 hnuaia peng pakhat  'Jan Bhagidaari Abhiyan - Sabse Door, Sabse Pehle' campaign hawnna chu vawiin khan DC Conference Hall, Siaha-ah neih ani.

District Bawrhsap Pu VL Hruaizela Khiangte kaihhruaina hnuaiah he ‘Jan Bhagidaari - Sabse Door, Sabse Pehle' hawnna hi neih a ni a, District chhunga DAJGUA village 27 a kalpui tura ruahman niin, heng khaw hrang hranga kalpui dan tur leh campaign hun chhunga hmalakna tur hrang hrang rel ho nghal a ni.

Pu VL Hruaizela Khiangte chuan Jan Bhagidari Abhiyan nihphung leh kalpui dan tur tlangpui sawifiahna a nei a, Ministry of Tribal Affairs hnuaia Tribal te hnam ziarang leh nunphung vawnghima, chawikan chu he campaign thiltum a ni tiin line department te chu tha taka thawhhopuiah a sawm a ni. 

Jan Bhagidari- Sabse Door, Sabse Pehle hi Sawrkar Laipuia Ministry of Tribal Affairs chuan ram puma tribal mite hmasawnna ngaituaha a duan niin, he campaign hi May ni 18 leh ni 25 inkara neih tur a ni.