SIAHA-AH “LYUVA KHUTLA-2019” ROPUI TAKA LAWM A NIawiin chawhma dar 10:30Am khan District Playground Siaha vaihpi-ah Mara te Kut ropui ber Lyuva Khutla-2019” chu ropui leh urhsun taka lawm a ni.

Vawiin Lyuva Khutla lawmnaah hian Pu A. Zakia, Padma Shri Awardee chu Azipa (Kut Pa) a ni a, Pu C. Thahe chuan Hlado chhamna a neih hnuah Pu V. Zacho, Chairman, Lyuva Khutla Organising Board chuan Azipa (Kut Pa) lawmluhna leh mipuite chawnglawmna thu a sawi hnuin, Azipa (Kut Pa) Pu A. Zakia chuan Kut Puanzar hi  pawtparhin,  Kut hawnna hla hi Mara Hlasa Py (MHP) Headquarters ten mawi takin an rem a ni.

Vawiin Kut lawmna programme hi Rev. C. Beima, Moderator, ECM chuan Pathian thu chhiarchhuahna leh tawngtainain a hlan a ni.

Azipa Pu A. Zakia, Padma Shri Awardee chuan thu sawina hun hmangin, Lyuva Khutla hi engtiklai atang khan nge kan hman tan tih hrechiang lo mah ila, hmasang kan pi leh pute khan urhsun takin Lo vah zawh rualin ruai nen hlim takin an lo lawm thin a, kan rama Kristianna a lo luh hnu khan kan Missionary ten zu leh sa nena an hman thin kha remti lovin an lo khap a, mahse khatih chung khan a remchan dan ang angin an lo hmang reng tho a ni, a ti.

MADC ina a huaihawt hnuah erawh Siaha hmun leh Tipa-ah te a ruala hman a lo ni ta a ni tiin, tun a mi tiamin MADC, Art & Culture Department chuan vawi 16 lai a lo buatsaih tawh a ni, a ti. Thangthar ten hetiang hun hi kan hlut zual sauh sauh tur a ni a, kan hnam, kan tawng leh kan nihna hi kan humhalh a, kan chhawmnun zel a pawimawh a ni, a ti.  Vawiin Lyuva Khutla chhimtu mipuite hnenah lawmthu thinlung takin a sawi bawk a ni.

He Kut lawmna-ah hian Mara Thyutlia Py (MTP)Branch hrang hrang atangin Hnam Lam chi hrang hrang an entir a, Hnam Incheina (Custom Parade) hmuhnawm tak Mara Chano Py (M.CH.P.) Branch 10 ten an entir bakah, Zaithiam tak takte zaiin mipui an awi reng bawk a.  Hranghlui zaithiamte Pi K. Saidi leh Pi S. Ngodei zaite chu mipuiin an hlut zual hle a ni. 

He Kut lawmna chikhat atan Lyuva Khutla-2019 Chhivaw leh Khydi (Miss & Mister) thlanna neih a ni a, Lyuva Khutla-2019 Chhivaw atan BP. Shelvi Hlychho d/o Pachi Hlychho, Meisavaih leh Khydi atan N. Beihmopiesa S/o N.

Zakhai CEM, MADC, New Colony te chu thlan an ni a, Little Queen & Little Chief pawh thlan nghal niin, Little Queen atan Margareth Beikypachakhaingiarili d/o Pu S. Lyhmô, Siaha vaihpi leh Little Chief ah Ednan B. Khithie S/o K. Beihruathie, New Colony te chu thlan an ni bawk. Vawiin Kut lawmna a lawmman hrang hrang dawngtute hnenah lawmman semna hunte hman niin, lawmmante hi Azipa Pu A. Zakia chuan a sem nghal a ni. Pu V. Zacho chuan lawmthu sawinain vawiin Lyuva Khutla-2019 lawmna hun hi a khar a ni.

Attachment

  • Loading attachment...