Vawiin chawhma 11:00Am khan DC's Conference Hall-ah Mizoram khawpui fai inelna, 2018 Kick off programme  hman a ni. He hun hi Pu VL. Zuithanga, District Organiser, DM&R, ina kaihruai.

Vawiin Mizoram khawpui fai inelna kick off programme hmanpuitu Pu Ngulzathuama, SDC, chuan thu sawiin, nikum 2017-ah khan Siaha Khawpui in Category-I hnuaiah 7-na dinhmun kan hauh pha tawk a, a chhuanawm lo hle a ni, a ti a. Siaha khawpuiin Faina tluantling kan nei theih nan chuan NGO, VC leh Sawrkar mawhphurna ah chauh a innghat lo tih hria a,  mitinte hian neihtu thinlung pu a tan kan lak zual sauh sauh a ngai a ni, a ti. Faina hi Pathian anna a ni an tih thin a, mitinte hian Pathian an i tum theuh ang u, tiin vawiin a kalkhawmte chu a chah hlawm a ni.

Vawiin programme- ah hian Siaha khawpui chhunga veng fai thlanchhuahte hnenah lawmman semna hun hman nghal niin, pakhatna-ah Meisavaih west pahnihna-ah New Colony-III leh pathumna-ah College vaih-I te an ni.

Pi Nunu Oasis Syuhlo, District Manager, UD&PA, Siaha chuan Preview of Guidelines tih thupui hmangin kalkhawmte hrilhfiahna leh zirtirna hun a hmang. Pu Henry PL. Hnaihly, ASO (MADC) pawhin Waste Management chungchanga hriattur pawimawh leh an hmalak dan chipchiar taka sawina hun a hmang bawk a ni.

Khawpui Fai inelna hi uluk tak leh felfai tak, duhsak bik awm lova kalpui tur a ni a. Endiktu atan Panel of Expert te emaw Specialized Agency/Institution emaw ruat an ni ang.

He Khawpui Fai inelna hi heng a hnuaia tehkhawng leh point hmang hian teh an ni ang:

1) Open Defecation Free(ODF)----30 points

2) Solid Waste Management(SWM)---20points

3)Information,Education & Communication (IEC)-----10points

4) Community Participation------15 points

5) Cleaning of Drains, Rivers &Streams and activities on environment conservation------15 points

6) Public Feedback---10 points

Total Points--100

He endikna atan hian Framework siamin  creteria leh Marks fel tak duan a ni a. He khawpui Fai inelna atang hian Mizoram a Khawpui zawng zawng Ranking -2018 siam a ni ang. He ranking hi inelna neih a ni leh hma chuan a ding reng dawn a ni.

He Faina competition-2018-ah hian Category-I&II tan lawmman siam niin. Hetiang hian:-

1st Rank---Rs.1 lakh+ Certificate+memento

2nd Rank---Rs.70,000/-+ certificate+memento

3rd Rank----Rs.50,000/-+certificate+Memento

Consolation Prize---Certificate of Participation

District tina khawpui Fai ber tan Certificate hranpa siam a ni bawk ang.

 Heng khawpui fai inelna lawmman te hi 2nd Oct,2018-ah Faina Hapta hawnna inkhawmah semchhuah a ni ang.