2193/2026-2027

Siaha the 11th September 2026: Vawiin khan DC Video Conference Hall, Siaha-ah Women & Child Development, Siaha District huaihawtin "Project Genesis" chu Pu VL. Hruaizela Khiangte, Deputy Commissioner, Siaha chuan a tlangzarh.

He hunah hian Pi Hepaw Hlychho, Child Development Project Officer (CDPO) Siaha chuan "Project Genesis" chungchang sawifiahna leh an hmalak zel dan tur sawifiahna a nei.

Project Genesis hi DC Office, Health & Family Welfare Department leh Women & Child Development Department tangkawpa hmalaknaa kalpui tur a ni.

Vawiina Project Genesis tlangzarhtu Siaha District Bawrhsap Pu VL Hruaizela Khiangte chuan, Project Genesis chu India in Ram hmasawn nih a tumna (Viksit Bharat 2047) hmalakna peng pawimawh tak a ni, a ti a. Nu leh naute hriselna chu ram changkang tehfung pawimawh tak a ni tiin sawrkar laipui pawhin a ngai pawimawh takzet a ti bawk.

Project Genesis hi Districta tlangzarh a nih atangin hmalakna kalpui nghal tur a ni a, khaw thlan bik sawmpakhatah ngawrh taka kalpui nghal tur a ni.