1138/2025-2026

Siaha the 11th July 2025: District AIDS Prevention & Control Committee (DAPCC) te chuan vawiin khan DC Mini Conference Hall, Siaha-ah Pu Abraham Beirazi Khithie, Addl DC kaihhruainain District Level Red Ribbon Competition neih dan tur relin thutkhawmna an nei.

Addl DC Pu Abraham Beirazi Khithie chuan an hun hlu tak senga vawiin meetinga kalkhawmte chu lawmthu a hrilh hmasa a, kum hmasa lama State Level Red Ribbon Quiz Competition buatsaih takah Siaha District in pakhatna dinhmun a luah thei chu an chhuanawm takzet tiin kuminah chuan State level piah lamah Regional leh National level thlenga lawmman dawng pha tura theihtawp chhuah a tul, a ti. He inelna buatsaih turah hian DAPCC bakah Education Department-te thawhhona tha neih a tul a, District chhunga zirna In awm te a tam thei ang bera he inelnaa an tel theih nan mipui hnena puanzar kawngah pawh theihtawp chhuah a tul a ti bawk a ni.

Vawiin DAPCC thutkhawm chuan State AIDS Control Society in a lo rel tawh angin Siaha District chhunga class 8, 9 leh 11 zirlaite zingah HIV/AIDS leh a kaihhnawih chungchang quiz competition buatsaih ni se an ti a, School Level bik chu August Ni 18,2025 ah Online a buatsaih nise an ti a, Heta titha zual thlan chhuah 9 te chuan September Ni 3, 2025 khian MADC Golden Jubilee Hall, Siaha-ah District Level Quiz Competition neih leh a ni anga, Heta pakhatna lawmman dawngte hian State Level-ah Siaha District ai an awh leh dawn a ni. District Level Quiz Competition a lawmman tur chu a hnuaia tarlan ang hi a ni.

1) First Prize - Rs 7,000/-
2) Second prize- Rs 5,000/-
3) Third prize- Rs 4,000/-
Consolation prize- Rs 1,000/-

Heng bakah hian School Level inelnaa titha zual 9 te chu digital/ online certificate hlan theuh an ni dawn bawk a ni.

Vawiin thutkhawmah hian Addl DC, Sr CMO, Dy CEO/ District AIDS Control Officer te leh DAPCC member te an tel a ni.