1326/2026-2027

Siaha the 8th July 2026: District AIDS Prevention & Control Committee (DAPCC) bultumin vawiin khan HIV/AIDS chungchanga zirlai naupangte puala Red Ribbon School Quiz Competition buatsaih dan tur relin DC Mini Conference Hall, Siaha-ah DAPCC Chairman leh District Bawrhsap nibawk Pu VL Hruaizela Khiangte kaihhruaina hnuaiah thutkhawm a ni.

Chief Medical Officer, Dr Lalrengpuii chuan Red Ribbon School Quiz Competition chu kum 2023 atang khan kum tinin Class-XIII, Class IX leh Class XI zirlaite puala buatsaih thin a nih thu a tarlang a, Nikum lamah school 9 in competition hi hmachhawnin Govt Higher Secondary School chu pakhatna an nih thu a sawi. He inelna in a tum ber chu zirlai naupang leh thalai kum 13-17 inkar te HIV/AIDS chungchang thudik tak hrilhhria a, kawng dik zawh tura kaihhruai bakah thianghlimna leh ei leh in kawnga hriselna inzirtir te a tel a ti bawk.

Vawiin thutkhawm chuan Siaha District chhunga Red Ribbon Quiz Competition (School Level) a tel duh tan July Ni 17, 2026 thleng DEO Office ah in report na hun pek nise a ti a, Heta inziaklut te tan online a inelna July Ni 30 ah neih nise tih a ni. School Level inelna atanga titha zual 10 te chuan August Ni 5, 2026 ah MADC Golden Jubilee Hall-ah District Level inelna an nei leh anga, District Levela pakhatna ten State level ah Siaha ai an awh leh dawn a ni. Vawiin thutkhawm chuan competition chu  hlawhtling taka buatsaih a nih theih nan tul leh pawimawh hrang hrang an rel bawk a ni.