2259/2022-2023
Siaha; the 10th October,2022: Vawiin chawhnu dar 2:00Pm khan DRDA Conference Hall-ah RTI Week-2022 Hawnna programme hman a ni a.Pu Lalsangliana chuan khuallian niin RTI week hi a hawng a ni.

Programme hi Pi Lalnunmawii,Addl.DC in kaihruaiin, Tanna Hla Aw Nang kan Lal kan Pathian tih sak zawhah Rev.K.Laichhua Azyu, Executive Secretary (Education),ECM(Hqrs) in hunserh a hmang a ni.

Vawiin RTI week hawnna inkhawmah thu sawiin, khuallian Pu Lalsangliana chuan RTI Act in a thil tum ber chu Information hriat theina chanvo(Right to Information) hmanga India Khua leh tui te tihchak a, langtlang taka sawrkar kaltir te, eirukna khuahkhirh te leh sawrkar hmalakna reng reng mipui ten an hriatve theih nana kawng hawn sak a ni. A hlauawm zawnga thlir lova, a tangkai zawnga kan thlir a tul a ni, a ti.

Pu Beihrosia Syuhlo Treasury Officer leh District Resource Person ni bawk chuan RTI Act 2005 leh RTI Rules 2010 a mipuite hriattur pawimawh zual highlight na hun a hmanq bawk.

Vawiin RTI week hawnna programme-ah hian a duh apiang tana thu sawina hun hawnah, mipui lam atanga zawhna awm ang ang te chu District Resource Person ten fiahfai takin an chhang bawk a ni.

Zaithiam Lalzaitinthangi leh Dinai C.Lalruatdiki ten zaiin kalkhawm te an awi bawk.

Pu N.Vabeiratlua, DIPRO leh District Resource Person ni bawk chuan lawmthu sawina in vawiin programme hi a khar ta a ni.