Nimin (8.4.2019) khan MYA multipurpose Hall, New Siaha-ah Kan hma lawk April ni 11 a MP Election kan neih tura venhimna lam hnathawktu tur Security personnel te hnenah an hotuten hriattur pawimawh leh tihtur tul te in zirtirna leh inhrilhhriatna hun an hmang.

Briefing hun hi Pu Vikram Singh, IPS , SP Siaha  in a kaihruai a. Pu Francis Lallawmkima, MPS, Addl.SP, Pu Victor Zothansanga  MPS, SDPO  leh Pu Robert S.Beihrosia, MPS, Dy.SP(Hqrs) ten MP inthlan huna venhimna kalpui dan tur te, an duty laia tihtur leh tih lohtur thil te,  an duty-na hmun tur leh duty-na hmun pan dan tur te chipchiar takin security personnel te hnenah hrilhhriatna hun an hmang.

Security personnel  te pawhin an hotute hnenah an thil hriatduh  leh  an hriatchian lo laite zawt fiahin, huangzau tak leh inpawh takin venhimna kalpui dan  tur an inhrilhhriat hlawm a ni.

Nimin Security briefing hi security personnel 500 in an chhim a ni.