No.4153/2021-2022
Aizawl the 2nd March,2022: Vawiin chawhma khan DAO's Conference Hall,Siaha-ah ATMA leh DAO,Siaha district te tangkawpin Sensitisation on Mandates of Agriculture and Allied Departments programme an buatsaih a. Programme hi Pi Elizabeth Khaimeichho,PD,ATMA in kaihhruaiin, Pu F.Laltlangkima,BAO,Tipa Block in kalkhawm te chawnglawmna thu a sawi.

Pi R.Lalramhluni,DAO,Siaha in vawiin programme hman chhan leh thiltum te sawiin, Department hrang hrang te hi Sawrkarin tihtur leh mawhphurhna hrang hrang kan ko-ah a nghat theuh va, chu kan mawhphurhna leh tihtur kan koa sawrkarin a nghah chu mipui mimir mai bakah department hrang hrang hian min hriatpui a, kan inhriatpui tawn theuh a ngai a, chumi atan chuan vawiin programme hi buatsaihin, chanchinbu te, AMFU hruaitute leh kuthnathawktu te kan sawm khawm che u a ni, a ti.

Vawiin programme-ah hian Agriculture leh a kaihhnawih department 7 heng:
1) Agriculture
2)K V K
3)ATMA
4)Horticulture
5)AH& Vety
6) Sericulture
7)Fishery
Department atanga mithiam ten an Department mawhphurhna leh an tihtur (Mandates) theuh power point presentation hmangin zirtirna hun an hmang a, an hmalak tawhna leh hmachhawp te theuh pawh an tarlang nghal bawk. Department tin ten
power point Presentation an pek zawh hian huangzau taka sawihona hun leh zawhna leh chhanna hun te hman nghal a ni.

Pu Sanglawtthanga,BTM,Siaha Block in lawmthu sawina in vawiin programme hi a khar ta a ni.