Vawiin chawhnu dar 1:00Pm khan DIC Conference Hall-ah DIC Siaha Hnuaia NLUP 4th Phase, 2nd Instalment semna programme hman a ni a. Pu Hiphei, Speaker Mizoram Legislative Assembly leh Bawrhsap Pi Harleen Kaur IAS te chuan Khuallian leh Khualzahawm niin, NLUP tanpuina hi mi 97 hnenah an sem.
Khuallian Pu Hiphei chuan NLUP Beneficiaries kalkhawm te hnenah thusawiin, Mi in Tumruhna, Taimakna leh Rinawmna nena an thawh phawt chuan , eng hna pawh thawk se an hlawhtling ngei ngei thin a ni tiin, Harsa taka lehkha a zir dan sawiin, Aizawl leh Lunglei inkara Rangva phura a inhlawh dan te, Tlabung atanga Khawnvartui tin phura a inhlawh thin dan te a sawi a. Pathian tanpui tlak a inthawhrim a, in rinawm phawt chuan hlawhtlinna in a hmuak ngei ngei ang che u. DIC hnuaia NLUP 1st, 2nd leh 3rd an sem tawh atang pawh khan mi taima, tumruh leh rinawm te chuan hlawhtlinna an hmu chho mek zel a, chuvangin vawiin NLUP tanpuina dawngtu te pawh hian in hmanna tur dik takah hmang ula, Taima tak leh Rinawm takin thawk ula, hlawhtlinpui ngei in tum theuh dawn nia, tiin kalkhawmte a fuih a. Sawrkar chuan NLUP chhunzawm nan NEDP a kalpui tan leh mek tawh a, he NEDP hi chu Finance Minister tawngkam takin, tanpuina ni lovin tang puina a ni a. Tang taka thawktute chuan NEDP hamthatna pawh hi an tel leh ngei dawn a ni, a ti bawk.
Vawiin 4th Phase, 2nd Instalment sem-ah hian trade hrang hrang: Petty trade, Carpentry, Electronic, Beauty Parlour, Blacksmithy, Desktop Publishing, Hair Cutting, Video & Photography leh Tailoring atangin mi 97, Siaha Cluster atangin mi 68 leh Tipa Cluster atangin mi 29 te hnenah tanpuina an sem chhuak a. Vawiina NLUP tanpuina semchhuah hi tangkafai cheng nuai Rs.46.762/- leh Thingzai khawl 8 an sem chhuak a ni.
Vawiin DIC, Siaha hnuaia NLUP semna inkhawmah hian Pu N.Zakhai, CEM, MADC leh Pu K.Chhuabei EM, MADC te bakah Head of Office thahnem tak an tel a. Pu C. Dokulha, GM, DIC in programme hi kaihruaiin, Pu Hiphei leh Pi Harleen Kaur ten thusawina hun an hman zawhah, Pu Lalrinawma, IPO chuan Technical Report pein, Pu KH.Beithie, IPO chuanlawmthu sawina in vawiin programme hi a khar a ni.
