Tukin zing dar 7:00Am khan Siaha Bazar Traffic Point-ah SVEEP  (Systematic Voters' Education and Electoral Participation) Free Concert buatsaih  a ni. He programme hi Pi C. Galilee in a kaihruai a ni.

Pi B. Malsawmtluangi, SVEEP Nodal Officer, chuan SVEEP thiltum leh kan Siaha District chhunga SVEEP chak tak leh thahnem ngai taka kalpui a nihdan report tawifel takin a pe  a.  Vawiin Programme-a khuallian Pu Zoengsanga, Deputy Commissioner leh District Election Officer nibawk chuan thu sawina hun hmangin, hetiang hun tha Siaha a kan hmang theih hi a lawmawm hle a ni, a ti a. Pu Zoengsang chuan voters te hian kan hlutna hi vawiin atang hian hrethar lehin kan zahawmna hi sum leh pai emaw therhlo hmangtein i hralh mai mai lovang u tiin, ngaituahna fim tak hmanga kan vote hlu tak chu thlak theuh turin kalkhawmte chu a chah hlawm a ni.

Campaign on Electoral Participation & Ethical Voting  tih thupui a hmangin Pi B. Malsawmtluangi, Nodal Officer, SVEEP chuan zirtirna hun a hmang a, Pu RS. Lalrinpuia, District PwD Icon (Persons with Disability) in 'Awareness on Accessible Elections' tih thupui hmangin thu sawina hun a hmang bawk a ni.

Programme kar lakah zaithiam  Pu John Beizachhi Phuto, Nl. Jessica B. Khuhly,  Tv. Andy Vabeikhai Bohia leh Tv. Lalhunmawia te bakah Maraland Got Talent a pakhatna lawmman latuten Group Dance hmuhnawm tak an entir bawk a ni. 

Pi C. Galilee chuan lawmthu sawina hun hmangin programme hi a titawp a ni.