1610/2023-2024

Dated Siaha 22nd August 2023: Ministry of Housing and Urban Affairs hnuaia Swachh Bharat Mission (Urban)-in kum tina a buatsaih thin India ram khawpui fai endikna, Swachh Survekshan 2023 atan a inbuatsaihna chu Siaha khawpui chhungah urhsun taka neih mek a ni a, khawpui fai inenlnaah hian District hmasawn ber nih tumin hmalakna hrang hrangte a hmunah enfiahna neih a ni.

Vawiin faina leh thianghlimna kawnga veng hrang hrangte hmalakna endikna hi Pi S.Lalmuanpuii, Sr. Local Administrative Officer, LAD, MADC chuan kaihruaiin Disaster Management & Rehabilitation leh Urban Development & Povery Alleviation Official- ten an tawiawm a. Sawrkar Official te hi Village Council (VC) ten lo dawngsawng zelin an veng chhunga faina lama hmalakna hrang hrang an neih te a hmunah enho niin, hmalak ngai leh tih hmabak ang angte chu VC te hnenah hian hrilhhriat nghal zel a ni a, VC- te pawhin a tul ang zel a faina kawnga hmalak an tum thu sawrkar Official-te hi an lo hrilh bawk a ni.

Vawiin faina leh thianghlimna enfiahna neih ah hian veng pali (4) te hmalakna enho hman niin naktuk lam hian veng paruk (6) te hmalakna enhona neih leh a ni ang.