No.1904/2020-2021

Siaha, June 11 : Bhupesh Chaudhary, IAS, Deputy Commissioner, Siaha District chuan ahnuai a mi ang hian Lockdown kalpui dan tur ruahmanna a siam.

Mizoram sawrkar Disaster Management & Rehabilitation Department thupek (vide No. B.13021/101/2020-DMR/Pt-III of 8th june 2020) angin Mizoramah inkharkhip bur chu June 9,2020 atangin tha thara kalpui a ni leh ta a; Siaha District chhungah pawh hei hi khauh taka ken kawh tur a ni.

May 3,2020-a Cr.PC Section 144 leh 11 (1) (c) of the Mizoram Epidemic Diseases (Covid-19) Regulation,2020 hmanga thupek chhuah tawh chu hman chhunzawm zel a ni tih kan in hriattir bawk a.

Mizoram sawrkarin inkharkhip bur kalpui dan tura inkaihhruaina a siam chu kan District chhungah pawh hman nghal a ni a; kaihhruaina thenkhat, Siaha District chhunga hman dan tur sawifiahna hian a siam belh a ni;-

Siaha khawpui chhunga dawr leh sumdawnna hmun hrang hrangte chu Total Lockdown kalpui dan tur thupek Clause D.1 atarlan zulzuia an awmna VLTF-te ruahmannain hawn theih a ni. VLTF-te hian mipuiin Social Distancing an kalpui theih dan tur ngaihtuah chungin dawr hawn dan hi an enpui ang.

Siaha khaw pawnah chuan dawr, sumdawnna leh eizawnna te chu a pangngai anga kalpui phal a ni a. Siaha khawpui chhung leh pawna dawrte hi tlai lam dar 5;00-ah chuan khar vek tur a ni. Tlai lam dar 5;00-a dawr khar tur tih hian damdawi dawr a huam loving.

Siaha khawpui chhungah mimal lirthei tlan chhuah khap a ni a, Office kal nana hman lirtheite chu an tlan chhuah phalsak a ni a, zing lamah dar 9:00-10:00 inkarah an tlan thei ang a, tlai lamah erawh chuan dar 4:30-5:30 inkarah an tlan chhuah leh phalsak a ni a, an in leh office inkar kawng tawi ber an zawh zel tur a ni. Lirthei tlan chhuah khap hian Sl. No. 4-a ngaihnathiam tawktute a huam lo ang.

Zana chhuah khap a ni a, June 9,2020 atanga thla hnih chhung atan zan tin dar 7:30 atanga a tuk zing dar 4:30 thleng a huam ang. Hei hian Siaha District pumpui a huam ang a, a huaia tarlante hi tul bik thilah chuan an chhuak thei ang.

1. Magistrate,Police leh Home Guard duty.

2. District Magistrate leh Sub Divisional Magistrate-in phalna a pekte.

3. DC Office thawk, Covid-19 donaa inhnamhnawihte.

4. Hospital-a thawk-Doctor,Nurse leh thawktu dangte.

5. Thuthar la khawmtute leh puangzartute.

6. P&E Department duty, PHED duty, LAD (MADC) duty, I&PR Department Official duty, Legal Metrology, Bawghnute sem, Transport Department leh Excise & Narcotics Deptt. enforcement mite.

7. Nitin mamawh chakkhai (essential commodity) phur leh Home Department atanga phalna neite.

8. Petrol Pump-a zanlam hnathawkte.

9. Thihna leh Natna hmanhmawh avanga damdawi in pantu, an veng VLTF-te lehkha keng.

10. Quarantine Facility-a duty te leh chaw petute (Official batch an nei ngei tur a ni)

Siaha atanga feh turte chuan zing dar 4:30-7:00 inkarah khawpui an chhuahsan fel hman tur a ni a, tlai dar 5:00-7:30 inkarah an in an haw thleng fel leh tur a ni. Hetianga feh chhuah turte chuan ziakin an chenna veng VLTF-te hriatpuina an la hmasa tur a ni. He hun Bi vawng thei lote tan feh chhuah phal a ni lo. Khaw dang zawngah erawh chuan huan lo ram hnathawk chungchangah khuahkhirna a awm lo ang.

Mi panga (5) aia tam punkhawmna, heng :- Inneih lawman, Lungphun, Anniversery leh Birthday lawman, Games & Sports, Lehkhabu tlangzarh, Politics leh pawl thila kalkawmna, intihhlimna ang chi reng rengte chu inkharkhip bur chhung hian huaihawt phal a ni lo.

Inneih inkhawm leh Mitthi vuina-ah mi 35 aia tam punkhawm khap a ni a. hei hian kohhran leh khawtlang hruaitute’n khauh taka kalpui tur a ni.

The Mizoram ( Contaiment and Prevention of Covid-19) Ordinance, 2020-in a khap hrang hrangte khauh taka kalpui reng tur in a ni a, danina phal loh tiluite chu Ordinance-in a sawi angin hremna pek zel tur a ni. Ordinance copy hi kan inthawn tawh a, dan bawhchhiate hrem chungchnagah VLTF-te khauh leh zuala kal pui turin hriattir an ni.

Sawrkar thupekte hi dan keng kawhtu hrang hrangte’n rang taka bawhzui theuh tur a ni a, chung thupekte chu he circular-ah hian thil til nghal a ni.