No.3799/2020-2021 

Siaha; August ni 4: Vawiin chawhnu dar 2:00pm khan District Hospital Conference Hall-ah TrueNAT  Laboratory leh 10KVA Generator  hawnna  bakah Mini Fridge hlanna inkhawm tawi neih a ni.  Programme hi Dr.C.Hnichho,CMO in kaihruaiin, Pu Bhupesh Chaudhary IAS District bawrhsap chuan khuallian niin TrueNAT Lab. leh 10KVA Generator  hawngin,Mini Fridge 4 district Hospital hnenah a hlan nghal bawk. 

Vawiin TrueNAT  Laboratory hawnna programme-ah thu sawiin Pu Bhupesh chuan TrueNAT Labaratory hawn theih a ni chu lawmawm a tih thu a sawi a. TrueNAT khawl hian Covid-19 hrik chauh ni lo, natna hrik hrang hrang chi 15 vel lai a endik thei dawn avangin tunah chuan  inentir tura  district pawn lama kan kal chhuah a ngai tawh dawn lo a ni, a ti. Siaha medical team hnenah Covid-19 dona kawnga an thawhrimna leh inpumpekna-ah lawmthu sawiin,

Covid-19 dona kawnga mitin lungrual taka ke kan pen avangin Pathian pawhin  mal min sawm niin ka hria, a ti. Vawiin thleng hian Siaha district-ah Covid-19 hrik avanga  lu inhloh  Pakhat mah kan awm lova, +ve te pawh an dam chhuak leh vek tawh a ni. Tunah rih chuan covid-19 +ve hrikah hian kan la fihlim rih a ni. Mahse kan chhevelah Covid-19 hrik kai hmuhbelh mek zel a ni a, inthlahdah thei kan ni lo ti erawh i hre reng ang u, a ti bawk.

Vawiina bawrhsap in Mini Fridge 4 District Hospital hnena a hlan  tak hi CSR fund atanga lei a ni a.10KVA Generator pawh hi DC in a leisak hlawm a ni.DC hian CSR Fund atangin Medical Mobile Unit Van leh Ambulance 2 district hospital hnenah a lo hlan tawh bawk. September thla tawp lamah District Hospital tan Ambulance 2 dang BHEL CSR atanga k a lo thlen leh tur thu a sawilang bawk.