1421/2022-2023

Siaha; the 29th, July' 2022: Vawiin  chawhnu dar 1:00Pm khan MADC Forest Hall-ah India rama in British awpbehna atang a Zalenna a hmu ni,Indian Independence  Day Champhaphak vawi 75-na lawmna (Azadi Ka Amrit Mahotsav) kal zelah (Kawlphetha Kutpui) India Eng: Hmalam Hun Eng Power@ 2047 (Ujjwala Bharat Ujjwala Bhavishya Power @ 2047) hun hman a ni.

  Pu Donny Lalruatsanga,Addl.DC in Programme kaihruaiin, Pu N.Viakhu,Chairman,MADC chu  khuallian  a ni.

Khuallian Pu N.Viakhu chuan Ujjwala Bharat, Ujjwala Bhavisya hi  Ministry of Power & Renewable Energy, Govt. of India in India ram in power lama sorkar hmathlir thui tak kum 2047 thleng a  hmasawnna  ruangam a din dan tur puanchhuahna programme a ni a, Khawvel hmasawnna kal zelah power mamawhna a sang tulh tulh a.  A siam chhuah chauh nilo, a semdarh kawngah leh miharsa zawk ban phaka chhawpchhuah a nih theih nan India sorkar chuan theih tawp a chhuah a. Central Scheme hrang hrang Saubhagya te, DDUGJY leh IPDS te hmangin thingtlang khua  te pawh chhit en mek zel a ni, a ti.

Kawlphetha Kutpui kan hman hian P&E dept. In power inrenchem kawngah tihtur leh tih loh tur min zirtir thin te kha, kan rilruah a thar nawn leh se, mipui ten P&E dept hi kan tawiawm that a tulzia min hriat nawn tir leh rawh se tiin, mipui kalkhawm te leh P&E staff te duhsakna a hlan bawk.

.Er. Lalhmingliana EE, P&E,Siaha  chuan technical report pe in India ram zalenna champha vawi 75 na chu hapta kar 75 chhung lawm mek a ni a. He AKAM lawmna peng pakhat atan Ministry of Power chuan India Eng: Hma lam Hun Eng (Ujwal Bharat, Ujwal Bhavishya) tih thupui hmangin vawiin kan Programme hi India ram District tinah a buatsaih a, Power lama Sawrkar hmathlir thui tak Kum 2047 thlenga hmasawnna tur ruangam ruahmanna te puan chhuahin a awm dawn bawk a ni. He Programme hi India ram District 773 ah hman mek niin, Siaha District-ah chuan Siaha-ah lehTipa-ah  hman a ni.

 Siaha District huam chhunga Saubhagya, DDUGJY leh IPDS scheme hmangin heng hna te hi thawh a ni:-

1) Connection thar 4832 pek

2) Thingtlang khaw 68-ah eng pek

3) DT buntawh 113 nos

4) 11KV Line thlunzawm tawh 199.04 km

 5) LT Line thlunzawm tawh 157.58 km

6) Fixation of Mainswitch---448 nos

7) Fixation of lightning Arrester --2052 nos

8) Improvement of Earthing--20 nos etc.

Revamped Reforms based and result linked Distribution Sector Scheme (RDSS) hnuaiah hian Mizoram hmun hrang hrang power sem chhuahna tih changtlun te, mipui tana awlsam zawka bill chawi dan tur te ruahman niin, India ram pumah consumer vaibelchhia 25 lai Smart Meter vuah sak tum a ni a. Tuna Ujjwala Bharat Grand Finale ah PM zahawm takin puanzarna a nei dawn a ni. He scheme ah hian Mizoram puma energy meter chu pre paid smart meter a thlak tur a ni a, tunah hna bul tan a ni tawh a ni. Smart meter te hi remote a control tawh tur a ni ang.

 Siaha district chhungah pawh Consumer Meter thlak bakah heng hna te hi RDSS hnuaia thawh tura ruahman a ni tawh bawk:-

1) Installation of Distribution Transformer--10 nos

2) Replacement of existing DT with Higher Capacity ---4nos

3) Construction of 11KV Lines--5.27Km

4) Construction of LT lines--15.50Km

Siaha district chhunga vawiin thlenga kan power network dinhmun chu hetiang hian tarlan a ni:-

1) 33KV Sub-Station awm zat---5 nos

2) 33 KV Line--206.32Km

3) 11KV Line---405.74 Km

4) LT Line--198.56 Km

5) Distribution Transformer---138 nos

Vawiin hun hmanna Pu Malsawma Zote,District Nodal Officer leh Beneficiary 2 ten thu tawi sawina hun an hmang a, Consumers' Rights thupuiah hmangin Gov't Siaha College,Siaha ten Skit show an entir bawk.

MYA Cultural Troupe ten hla an rem a, programme kar lakah zaithiam Pu John Beizachhi Phuto leh Nl.H.Vanlaltluangi ten zaiin mipui an awi reng bawk.

Ujjwal Bharat:Ujjwal Bhavusya power@2047 behchhana siam video clips  tawi 7 thlir ho nghal a ni.