127/2022-2023
Siaha; the 11th April,2022: Vawiin chawhnu dar 1:00Pm khan DRDA Conference Hall-ah Village Level Committee on Myanmar Refugees member ten Myanmar Raltlan te chungchangah meeting an nei.Meeting hi District Bawrhsap Pu Lalsangliana'n a kaihruai a ni.

Vawiin meeting chuan kan hmalam hunah kan Unau Myanmar Raltlan te leh khawtual mi te inkarah harsatna a thlen loh nana Raltlan khuahkhirhna hrang hrang point 12 ngunthluk takin a duang a. Heng inkhuahkhirhna bakah hian Raltlan naupang te Zirna(Education) chungchang te, Damlo thil a inenkawl dan tur chungchang te, Furpui lo thlen hma a Refugee camp te thawm that dan tur te leh Mitthi vui leh inphumna chungchang te pawh khunkhan taka rel ho a ni.

Tun dinhmunah hian Siaha district a Myanmar Refugee 9827 an awm mek a. Village Council 54-ah an inzarpharh mek a ni.

Sawrkarin a hnuaia a mi ang hian tanpuina an lo pe tawh bawk:-
1) Buhfai--828bags
2)Dal---154bags
3)Nutrela--103bags
4)Alu---48bags
5)Oil---52cases

6)Syntex--
a)2000 litre--20nos
b)500litre---28nos

7)Pipe---61rolls

8)Silpauline
a)Big---31 bundles+4pieces
b)Small--5bundles+2pieces

9)Solar Light---282
10)Electric Wire--21 coils

Sawrkar atanga tanpuina lut bakah hian Mimal, Kohhran leh tlawmngai Pawl ten raltlan te hnenah tanpuina thahnem tak an lo pe tawh a ni.

Vawiin meeting hi Pu Donny Lalruatsanga,Addl.DC leh Nodal officer for Myanmar Refugees ni bawk chuan vawiin thurel hrang hrang te tlangkawmna a neih hnuin, lawmthu sawinain meeting hi a titawp ta a ni.

Attachment

  • Loading attachment...