Vawiin chawhma dar 10:30Am khan MADC Forest Hall-ah Joint Electricity Regulatory Commission for Manipur & Mizoram (JERC) leh Power & Electricity Department Mizoram te tangkawp a buatsaih 'Workshop on Electricity Consumers Awareness" programme hman a ni. Pu. R. Lalremsanga, Additional Deputy Commissioner, Siaha chuan khuallian niin he programme hi a hmanpui a, Er. Lalchharliana Pachuau, Chairperson, JERC (M&M) chuan he programme hi a kaihruai a ni.

Er. Lalchharliana, Chairperson, JERC(M&M) hnen atangin Paper Present 'Supply Code, Consumer Grievances Redressal Mechanism and Compensation in default of licensees' ngaithlakna neih a ni a. Er. H. Thanthianga, Assistant Chief Engineering, JERC (M&M) pawhin 'Principle of Electricity retail tariff determination and effect of Power theft/losses in tariff calculation' tih thupuiah hmangin Paper present hun leh mipuite hriattur pawimawh zual sawichhuahna hun a hmang ve bawk a ni.

Er. H. Zoliana, Superintending Engineer, Lunglei Power Circle chuan kum 2018 - 2019 chhunga an Circle huamchhung report pekna hun hmangin, Er. Ngursailova, Sailo, Executive Engineer, Power Division Saiha, Siaha pawhin kum 2018-2019 chhunga an Circle huamchhung report kimchang pekna hun a hmang ve bawk.

Er. Lalchharliana Pachuau, Chairperson, JERC(M&M) kaihruaina hnuaiah Interaction Session neih chhunzawm nghal niin, mipui lam atanga an hriatthiam lohna leh harsatna an neih ang angte zawhna siamin, an zawhnate chu mithiamten an hrilhfiah zel a ni. Vawiin zawhna leh chhanna hun hi mipuiten an tangkaipui hle a, a bikin Electric Bill chungchanga an hriatthiam lohna avanga complaint awm thin te pawh hrilhfiah nghal zel an ni bawk. Pu Richard Zothankima, Assistant Secretary, JERC (M&M) chuan lawmthu sawina in vawiin programme hi a titawp a ni.