Vawiin chawhma dar 10:30AM khan KVK,Siaha District  buatsaihin DC's Conference Hall-ah World Soil Day  hman niin, bialtu MLA Dr.K.Beichhua chuan khuallian niin vawiin programme hi a hmanpui.

Dr.K.Beikhua chuan thusawiin, khawvel mihring pung chho zelah  ei leh bar Kan mamawhhna te a pung zel a. Chung Kan mamawh te min phuhruk theitu bulpui ber chu vawiin a kan huan leh loneitute hi an ni, a ti. Kan dam khawchhuahna tur kan ei leh bar tur thil hi leilung atanga chawrchhuak deuh vek an ni a,chu mi kawng hnathawktu leh kan leilung te hi awmze neih  taka an inkungkaih hi a pawimawh hle ni. Shifting cultivation pawh hi zawi zawi a kan bansan a tul tawh tak zet a, chumi kawng a hma la tur chuan kan KVK scientists te hi an pawiimawh hle a ni, a ti bawk.

KVK a kan mithiam ten tunlai  khawvel thiamna thar ber ber  hmanga huan leh lo neihtu te tan  hlawkzawk a an thlai te tharchhuaka, an enkawl zui thei nana zirtirna an pe thin chu lawmawm a ti thu sawiin, huan leh lo neihtu te pawhin kan mithiam te rawnna chang hre thin turin a chah hlawm a ni.

Vawiin programme hi Pi C.Rachael, Scientist (Plant Protection) in kaihruaiin, KVK a scientist ten lo nei mite hnenah leilung pawimawhna leh enkawl dan te, thlasik tlai enkawldan leh hlawkzawka tharchhuah dan te zirtirna an pe bawk.