Vawiin  chawhma 11:00am  khan  Krishi Vigyan Kendra, Siaha District: Siaha te buatsaihin I&PR Conference Hall, Council Vaih-ah World Soil Health Day,2018 hman a ni.

He hun hi Dr. Lalzaidami, Scientist (AH & Vety) in kai hruaiin; khaw hrang hrang atanga kuthnathawktu lokal te hnenah lawmthu sawina in hun a hawng.

He hun hi Pu. KH. Beihlo, Executive Member, i/c Agri.  & Horti,  Mara Autonomous District Council, Siaha-in khuallian  niin a hmanpui  a, fuihna thu tha tak  leh bengvarthlak tak  kalkhawm  te hnenah a sawi.

Vawiin Programme-ah hian  Soil Health Management chungchanga inzirtirna hun Dr. T. Vanlalngurzauva, Scientist (Soil Science)-in a hmang a. Leilung hriselna ngaipawimawh thar theuh turin kuthnathawk mi kalkhawm te chu a chah a. Hlawkthlak zawka thlai  tharchhuah  anih  theih  nana  lei sawngbawl dan dik leh tha chungchangah zirtirna a pe bawk.

  Pi. S. Sisi, Scientist  (Horticulture)-in Pre-Rabi Awareness Campaign/Sanmelan  hun hmangin;  hlawk zawk a thlasik thlai hrang hrang  chin dan zirtirna  a pe.

Vawiin World Soil Health Day,2018 hmanna-ah hian Siaha District hmun hrang hrang atanga lakkhawm soil samples enfiahte tan Soil Health Card khuallian in a semchhuak nghal bawk a ni.

Pi. J. Vanlalhluzuali, Scientist (Agricultural Extension) in lawmthu sawina in vawiin programme hi a khar ta a ni.

Attachment

  • Loading attachment...