No.998/2021-2022 

Siaha; the 16th June; 2021: Deputy Commissioner leh Chairman, Siaha District Disaster Management Authority  ni bawk Shri. Kesavan R,IAS chuan ACT Grants( a not-for profit movement created by the VC and start-up community in India)  leh Swasth Alliance( a not-for- profit Alliance of over 150+ Healthcare organization), New Delhi  hnenah  Oxygen Concentrators 18  a dil chuan hlawhtlinna hmuin, vawiin tlai dar 4:30PM khan  Oxygen Concentrator 18 chuan Siaha lo thleng a ni. Heng Oxygen Concentrator te hi pakhat Rs.1,12,000/- man a a ni.

Heng khawl hlanna programme tawite hi DC office kawtah neih niin, Pu Kesavan chuan Dr.C.Hnichho,CMO leh Dr.C.Lalrosanga,DMS hnenah heng khawl 18 te hi a hlan hlawm a ni. Heng Oxygen Concentrator te hi PHC 4 hnenah 2 theuh pek chhawn an ni anga, 10 hi District Hospital,Siaha-ah dah a ni thung ang.

Vawiin Oxygen Concentrator hlanna programme-ah hian thu sawiin, Pu Kesavan chuan ACT Grants leh Swasth Alliance, New Delhi te hnenah an thilphalna avangin lawmthu ka sawi tak zet a ni;  tiin, heng khawl te hian Covid-19 kan dona kawngah, nunna hlu tak chhanchhuah nan thil tangkai tak a ni ka beisei tlat a ni, a ti. Pu Kesavan chuan  pawl dang ho hnenah pawh  Covid-19 dona kawnga hmanrua pawimawh tur dang pawh ka dil mek a, hlawhtlinna dang pawh kan hmu leh ka beisei hle a ni, a ti bawk.