Siaha District Bawrhsap  Pu Bhupesh Chaudhary IAS,  chuan DC Conference Hall kawt atangin, Mobile Medical Unit in Free clinic camp hmasa ber an neihna tur Zero khuaa an kaltur a vailiam.

Vawiin Medical Mobile Unit  hi GAIL(Gas Authority of India Limited) CSR( Corporate Social Responsibility) Fund atanga, Wockhardt Foundation kaltlanga Siaha District in a dawn a ni.

Vawiin  flagging-off programme tawi, DC conference Hall-a hmanah hian thu sawiin,   Pu Bhupesh chuan an hnathawhna hmun ni lo mahse kan ngenna te ngai pawimawha GAIL leh Wockhardt ten kan district in kan mamawh em em, zirna leh hriselna kawnga hma kan sawn nan cheng nuai ?55 lai ( ?35 lacs for MM Van & ?20 lacs for 12 Smart Classrooms) an CSR fund atanga min pek phal avang hian lawmthu ka sawi tak zet a. He CSR kan dilna kawnga tha min thawhpuitu CMO, DMS leh DC office-a officer te chungah pawh lawmthu ka sawi tan zet a ni, a ti. Sawi zelin Ku Bhupesh chuan Public Sector Unit lian te hnena an CSR Fund kan dil dang te pawh a thuphung chuan an pawm tawh hlawm a. Thu hi tisa a alo chuan siaha district hian Cheng nuai ?400 chuang fe kan dawng dawn a ni, a ti bawk.

Pu Gulzarilal Biswas,Area Manager,Wockhardt, Mibile Medical Unit hlan tura Odhissa atanga lokal chuan MMU hi North East ah chuan Siaha district hi a dawng hmasa ber leh a dawng awm chhun in ni a, Mobile Medical Van-ah hian damdawi bakah Oxygen te, Malaria, Typhoid, Haemoglobin etc test kit a awm a. Heng bakah hian Doctor ,  nurse leh Driver te MMU hian a chhawm bawk a ni, a ti. Wockhardt hnathawh tam tak te zingah MMU hi pakhat a ni a, MMU 1000 pekchhuah tumah tunah hian 230 kan pe chhuak tawh a ni, a ti bawk.Vawiina PSU ten Mipui te hnena kan luanchhuah kawng sialtu hi  in DC viak tha tak Pi Bhupesh Chaudhary hi a nih, kan ti lo theih lovang, a ti bawk.

Vawiin Flagging off programme tawite hi  Pu H.Zonunmawia, Election Officer, in a kaihruai a.Pu Bhupesh and Pu Biswas ten thusawina hun hmangin,  Dr.Lalrosanga,DMS in lawmthu sawina in programme hi a  titawp hnuah DC conference kawt atangin DC chuan MMU hi a hnathawhna hmun tur lamah a vailiam ta a ni.