No.4331/2021-2022
Aizawl the 20th, March, 2022 : Siaha District Bawrhsap Pu. Lalsangliana chuan ni hnih(2) thangin Siaha District khawchhak tlangdunga khaw awm : No-aotlah,Lobo,Chhaolo,Siata leh Chakhei khua te chu an khaw dinhmun hriat chian nan a tlawh hlawm.
Amah an lo hmuahna-ah thu sawiin, Bawrhsap Pu Lalsangliana chuan DC ka nih anga, district mipuite tha taka rawng bawl sak hi ka tum a ni a. Chumi ti theih tura thil pawimawh hmasa ber chu in khuaah ngei lo tlawh che u a, lo inhmelhriattir che u leh in dinhmun te lo hriatchian hi a ni a.Chumi atan chuan vawiinah hian in khua hi ka rawn tlawh che u a ni, a ti.
Siata leh Chhaolo khuaah thu sawiin, tunhnaiah Mizoram hriat tham khawpa Vaimin in thar tam hi ka lawmpui che u a, ka chhuang hle che u a ni, a ti.
Siaha District a ka rawn awm hian thu mai mai tura rawn awm ka ni lo va, a taka hna thawk tura lo kal ka ni tih hi ka hrechiang em em a ni. Chuvangin
tun hi ka rawn kal tawpna tur ni lovin, a bul tanna chauh a ni tih min hriatsak turin ka ngen bawk che u, a ti.
Chuti rual chuan hna kan thawhna tur leh hma kan lakna tur kawng hrang hrangah nang ni pawhin min tawiawm tlat turin ka ngen a che u, a ti.
Pu Lalsangliana chuan a khaw tlawh a piangah Kangmei laka fimkhur tur leh Faina kawnga tan la zual sauh turin mipui te a ngen hlawm a ni.
Kan unau Myanmar lam atanga sa himna zawnga in khua rawn belhtu ten thlamuang tak leh hahdam taka an awm theih nan duat takin inlo enkawl tih te ka lo hria a, ka lawm tak zet a ni.
Chuti rual erawh chuan in khuaa dan leh dun in siam te an zawm that a tul thu VC, MTP, MCHP leh MSO ten an hrilhriat ve reng a ngai ang, a ti.
Covid-19 hripui in kan district min la run reng a, kan lo in ven nan vaccine la thei phawt chuan la vek turin ka sawm nghal bawk che u, a ti.
khawtinah DC hi khawtlang hruaitu te leh tlawmngai pawl hruaitu ten lo kawmin, khawtlang tan a an mamawh chi hrang hrang te an lo thlen a ni.
Chhaolo Farmers Society ten an thlai tharchhuah chi hrang hrangte Siaha DC hi an pe bawk a ni.
Siaha DC hian Chhaolo Primary Health Centre (PHC), Chakhei Primary Health Centre (PHC) leh refugee camp te tlawh nghalin, refugee te hnen a sem tur blanket leh an mamawh hrang hrangte khawtlang hruaitu te hnenah a hlan nghal bawk.
Khawchhak tlangdung fanga a zinnaah hian Siaha DC hi Pu. Vabeilaiku Chozah, ADAO, Siaha in a tawiawm a ni.
Attachment
- Loading attachment...
