No.4936/2020-2021

Siaha; 10th September,2020: Vawiin chawhnu dar 1:00pm khan Siaha district bawrhsap Pu Kesavan R,IAS chuan a office chamber-ah MJA, Siaha District te thingpui a inpui hlawm.

Vawiin inkawmhona-ah hian Pu Kesavan chuan MJA te chu sawrkar thiltum leh ruahhmanna te mipui hnena hrilhhriattu leh mipui mamawh leh duhzawng te sawrkar hnena thlentu in ni a. Sawrkar khalh ngiltu, sawrkar leh mipui inkara palai hna thawktu pawimawh tak innih bawk. Chuvangin inthlahrung lova thurawn min pea, min finchhuah thin turin ka beisei reng dawn che u, a ti. MJA te pawhin siaha district leh a mipuite hmasawnna tura a hmalakna reng rengah an tawiawm tlat tur thu leh a hnung an dawlh zel tur thu DC hnenah an hrilh ve bawk.

Vawiin inkawmhona-ah hian Covid-19 laka Siaha district himna tur te, Khawlaia Ui chhuah khapna chungchang te, Internet Signal chhe lutuk chungchang te, Advertisement chungchang te, sawrkar hnathawk leh office hour chungchang te, NGO,MADC leh district administration thawhhona tha neih tul thu te, Siaha khawpui vawn thianghlim chungchang te leh thil tam tak an sawiho a ni. DC chuan vawiina an inkawmhona chu hlawk thlak a tiin, MJA te chuan inthlahrung lo va amah chu tlawh thin turin a sawm hlawm bawk a ni.

Pu Kesavan hian pianleh murna tlawm tak atanga lo zichhuak a nih thu sawiin, Siaha district a kan zirlai te pawhin an thawhrim phawt chuan dinhmun sangtakah Education hian a dah theih hlawm a ni. Chumi atan chuan kan Education sysytem pawh kan ngaihvena kan vil ngun a ngai dawn a ni, a ti.

Pu Kesavan hi Tamilnadu state thingtlang khaw te tak te Chennai khawpui atanga 700Km a hla Sankaran Kudyiruppu a piang a ni a. A pa hi Post Master a ni a, a nu hi puanthui a ni thung. Zirna lamah St. Xavier's College, Tirunelveli atangin BSc(Chem) a zo a. Kum 2013 a IAS a inziah tlin hma hian Tamilnadu sawrkar hnuaiah Group 'B' leh Group 'A' officer hna te a lo thawk tawh a ni. Tunah hian kum 39- na hmang mekin, a nupui Swarna Lakshmi hi Tamilnadu sawrkar hnuaiah Deputy Registrar hna thawk lai a ni. Fanu 2: kum 7 leh kum 1 mi an nei mek a, a nupui fanau te pawh Siaha-a an awmlai a ni.

Vawiin DC leh MJA te inkawmhona-ah hian DC hi Pu N.Vabeiratlua,DIPRO in a tawiawm a ni.