Vawiin tlai dar 4:00Pm khan Siaha District Election officer leh bawrhsap ni bawk Pu Bhupesh  chaudhary IAS chuan April ni 11 Mizorama Member of Parliament inthlanna kan neih tur chungchangah Chanchinbu mi te leh Party aiawh hrang hrang kalkhawmte hnenah briefing a nei a. MP inthlanna atan  tunah hian Siaha district-ah hian voters 39522 an awm a. Hmeichhe voters 20289 leh mipa voters 19233  awm mekin, Service voters  145 a awm bawk a ni. PS 79-ah Hmeichhe hlang polling official awmna Dingdi PS hi 8 a awm dawn a. Saiha AC hnuaiah PS 5  leh Palak AC hnuaiah  PS 2 te chu webcasted an  ni ang. Siaha district a voter tlemna ber PS chu 40/41 Supha PS niin, voters 53 an awm a, voters tamna ber chu 39/19-New Colony- III PS niin, voters 1111 an awm a ni. 

DEO Pu Bhupesh chuan Inthlan puanhma thla 1 vel kal ta atang khan inpuahchahna hi kalpui chho mup mup tawh a ni a. MP Inthlanna  hmachhawn turin kan inpuahchah tha tawk hle tawh a ni, a ti. DEO chuan Political Party te leh MJA te chu  thawhpuiah sawmin,  inthlanna huapzo, felfai leh langtlang kan neih theih nan kan zavaia kan tan ho a ngai a ni, a ti.

Vawiin vek chawhma dar 9:50Am khan Nodal officer te Pu Bhupesh hian  meeting  a lo neihpui tawh a,  Nodal officer ten an chan theuh mawhphurhna kengkawh tura an inpuahchah dan te thlir ho a ni.