Vawiin chawhma dar 10:30Am khan DVO Office kawtah AH&VETY Dept, Siaha District chuan Ar Vulh (Poultry Trade) thlangtu chhungkaw 350 te hnenah 2nd Phase NLUP Final Installment Rs.34,400/- theuh a sem. Vawiin Poultry trade thlangtute hnena NLUP tanpuina sem hi , NLUP 2nd Phase-a Final Installment niin, installment hmasa lamah Rs. 65,600/-theuh beneficiaries te hnenah hian an lo pe tawh a ni. Vawiin an sem bak chhungkua 20, thingtlang khaw hla deuh a awmte hnenah erawh chuan kar leh lama sem chhunzawm zel tura ruahmanna siam a ni.

Vawiin NLUP semna hun hmanpuitu Pu N. Chakhai,Additional Deputy Commissioner, Siaha District chuan thu sawiin, vawiin NLUP tanpuina dawngtu ten in pawisa dawn a hmanna tur dik taka in hman phawt chuan reilo te-ah Siaha District chuan Arsa leh Artuiah kan intodelh thuai dawn a ni, a ti a. Trade dangte ang lo vin Poultry trade-ah chuan beneficiaries ten rinawmna leh taimakna nena in thawh phawt chuan a rah pawh in seng hma dawn a. NLUP tanpuina a hmanna tur dik taka hman hi a kristiana, a hman lohna tura hman erawh corruption chi khat a ni, tih I hre reng ang u, a ti bawk.