315/2024-2025 

Dated Siaha 19th April, 2024  : Member of Parliament (Lok Sabha) inthlanpui 2024 puala vote thlak chu tukkin zing dar 7 atang khan neih tan a ni a.  Siaha District huam chhunga Assembly Segment pahnih   39-Saiha (ST) leh 40-Palak (ST)  ah te  harsatna lian tham awm lo in,  tlai lam dar 5 thleng khan tluang taka vote thlak zawhfel a ni.

39-Saiha (ST) Assembly Segment- ah hian Vote nei 24236 awmin mipa - 11576 leh hmeichhia- 12660 an awm a. Zan dar 7  Final data atanga a lan danin vote nei zing a mi 12172 ten vote an thlak a, vote tla hi za zelah 50.22 % a ni. 40-Palak (ST) Assembly  Segment- ah hian vote nei 20466 awmin, mipa- 10127  leh hmeichhia-10339  an awm bawk a, vote hi mi 12472  ten thlakin vote tla hi za zelah 60.94 a ni bawk a. Siaha District - a vote tla zawng zawng hi za zelah 55.13   a ni.

39-Saiha (ST) Assembly Segment- ah hian Polling Station- 37 awmin, hmeichhe hlangin an enkawl  ‘All Women Managed Polling Station’ pahnih , 39/19-New Colony -I P/S leh 39/21 College Vaih -I  P/S  awmin, 39/8- Meisavaih West polling station chu 'Model Polling Station'  a ni a. 40-Palak (ST) Assembly Segment -ah hian Polling Station- 44 awm bawkin, 40/9- Theiri  P/S leh 40/17- Tipa- V P/S - te chu  hmeichhe hlangin an enkawl  ‘All Women Managed Polling Station'  niin, 40/6- Saikao P/S chu  'Model Polling Station' a ni bawk.

Siaha District- a vote thlak  Mipa zingah Pu K. Tuachho, kum 96, 39/15-New Colony IV P/S chu upa ber niin, Pi Soia, Kum- 99, 39/30 Siahatla II P/S chu hmeichhia vote thlak upa ber a ni a. Vawi khatna atana vote thlak  thahnem tak an awm bawk a ni.

Zan  dar 7, Final data atanga vote tlak dan kimchang chu a hnuaia link ah hian en theih a ni.

Siaha Final Voter Turnout Final.pdf

Final Voter turnout at 7pm.pdf