Vawiin chawhnu dar 2:00pm khan Siaha District-a 'Faina Hapta-2018' hmandan tur relin meeting neih a ni.

Meeting hi Pi Lalnunmawii, SDO(S) leh NULM Nodal officer ni bawk office chamber-ah nei a ni a. Pi Lalnunmawii'n meeting hi a kaihruai a nghal a ni.

Vawiin meeting chuan Faina Hapta Hawnna inkhawm hi Siaha Bazar Traffic point-ah zing dar 7:00Am neih ni se, khuallian atan EM (LAD), MADC sawm ni se ti a rel a. Closing Function erawh DC's Conference Hall-ah hman ni se, Khuallian atan District bawrhsap sawm ni se, ti a rel bawk.

Faina hapta pual hian:-

1) Zirlai naupang zingah Faina chungchang Essay in siah siak

2) Veng fai ber thlan

3) Office fai ber thlan

4)Hotel fai ber thlan

5)School fai ber thlan

6)zirlai naupang zingah Painting Competition buatsaih

7) Faina lampang ziak tha chanchinbu thlan chhuah a ni dawn a.

Pakhatna tanga Pathumna thleng lawmman Chawimawina thuziak leh Pawisa fai siam sak ni se. Lawmman te hi Closing Function-ah Khuallian in a sem nghal  rawh se, ti te rel a ni.

 

Attachment

  • Loading attachment...