No.492/2021-2022

Siaha, May ni 12 : Siaha district hi Covid-19 1st wave laia mimal/Pawl/Kohhran/khua/political Party etc. te luanchhuah tamna  ber district a ni hial awm e.  VLTF, District  Level Task Force on Covid-19 , CEM Relief Fund leh MTP(Gen.Hqrs) te hnena Covid-19 do nana Tanpuina sumfai lut te tiam miah lova,  QF hrang hrang choka enkawltu Kitchen Management Committee hnena tanpuina lut te kha a thahnem hle a ni.

Sumfai, Tuahthing, Thlai thar, chawhmeh chi hrang hrang bakah QF inmates te chawhmeh  tur Sial, Bawng, Vawk leh Ar te a lut a ni kha.

 Covid-19 2nd wave do nan pawh hian Kohhran hrang hrangin an Hall te CCC tan an thawh a, mimal mi inphal ten an veng VLTF duty te hnenah tanpuina an pe mek zel a. CEM Pu N.Zakhai leh a thawhpui te pawhin Health Department,Siaha hnenah  Rs.50,000/- Covid-19 do nan an lo hlan tawh bawk. MTP Gen.Hqrs pawhin  veng hrang hranga VLTF  te hnenah tanpuina  tangkafaiin an sem mek bawk a ni.

MYA,New Siaha pawhin Chhungkaw harsa zual 49 hnenah Buhfai leh Alu a lo sem tawh bawk.

Vawiinah  pawh Mizo National Youth Front, District Headquarters, Siaha chuan  District Level Task Force on Covid-19  te leh MTP Gen. Hqrs te hnenah pawisa fai cheng 5,000/- ve ve an pe leh bawk.

MNYF te hian nimin lamah pawh khan Siahatlâ, Siaha vaihpi,  College vaih -I&II, New Colony- I,II,III&IV, te hnenah tanpuina hi an lo pe leh tawh a, veng dangah te pawh a remchan dan a zira pek zel an la tum a ni.

Vawiinah vek hian VESTIGE FAMILY, Siaha te pawhin TrueNat Laboratory a thawktute pualin Rs.16,400/- CMO hnenah an hlan a. Miss Mara nilai Nl.Ephesi, Siahatla pawhin  a piancham  pualin CCC a hman tur Rs.5000/- CMO kutah a hlan bawk.