*Siaha; November ni 12: Siaha District-a No Tolerance Drive ni 18-na vawiin (12.11.2020)- a The Mizoram containment and prevention of Covid - 19 Act, 2020 bawhchhia mi 14 man leh an ni a, heng atang sum chawitir tlingkhawm hi Rs.1400/- a ni.
No Tolerance Drives ni 18-na hman a nih chhungin Siaha District chhungah dan bawhchhiah mi 849 man an ni tawh a, heng atanga pawisa fai tlingkhawm chu Rs.84,900/- a tling tawh a ni. Dan bawhchhetu te hi, The Mizoram (Containment and Prevention of Covid-19) Act,2020 a Section 4, Sub-Section 1 bawhchhia te vek an ni.
Heng sum tlingkhawmte hi Disaster Management & Rehabilitation Department, Government of Mizoram ah chhun luh nghal zel a ni.
Sorkar laipuiin Covid - 19 dona kawnga nunphung thar kalpuina tura a duan Jan Andolan pledge chhang sorkar hnathawk mi 532 an awm bawk a ni.
Sawrkar hnathawk Executive duty 79 ten he No Tolerance drive neih chhung hian mipui ten The Mizoram Containment and Prevention of Covid-19 Act,2020 an zawm that leh that lo kawtthler lunlai leh hmun pawimawhah duty in an vil reng bawk a ni.
