Siaha; November ni 14: Siaha District-a No Tolerance Drive  ni 20-na vawiin (14.11.2020)- a The Mizoram containment and prevention of Covid - 19 Act, 2020 bawhchhia mi 17 man leh an ni a,  heng atang sum chawitir tlingkhawm hi Rs.1700/- a ni.

No Tolerance Drive ni 20-na hman a nih chhungin Siaha District chhungah dan bawhchhiah mi  894 man an ni tawh a, heng atanga pawisa fai tlingkhawm chu Rs.89,400/- a tling tawh a ni.  Dan bawhchhetu te hi, The Mizoram (Containment and Prevention of Covid-19) Act,2020 a Section 4, Sub-Section 1 bawhchhia te vek an  ni.

Sawrkar hnathawk  Executive duty 79 ten  he No Tolerance drive neih chhung hian mipui ten The Mizoram Containment  and Prevention of Covid-19 Act,2020 an zawm that leh that lo   kawtthler lunlai leh hmun pawimawhah duty in an vil reng bawk a ni.