*Siaha; November ni 04:* Siaha District-a No Tolerance Fortnight hman ni 10-na vawiin (04.11.2020)- ah The Mizoram containment and prevention of Covid - 19 Act, 2020 bawhchhia mi 31 man leh an ni a, heng atang sum chawitir tlingkhawm hi Rs.3100/- a ni.
No Tolerance Fortnight ni 9 hman a nih chhungin Siaha District chhungah dan bawhchhiah mi 603 man an ni tawh a, heng atanga pawisa fai tlingkhawm chu Rs.60,300/- a tling tawh a ni. Dan bawhchhetu te hian The Mizoram (Containment and Prevention of Covid-19) Act,2020 a Section 4, Sub-Section 1 vek an bawhchhia a ni.
Heng sum tlingkhawmte hi Disaster Management & Rehabilitation Department, Government of Mizoram ah chhun luh nghal zel a ni.
Sorkar laipuiin Covid - 19 dona kawnga nunphung thar kalpuina tura a duan Jan Andolan pledge chhang sorkar hnathawk mi 532 an awm bawk a ni.
Sawrkar hnathawk Executive duty 79 ten mipui ten The Mizoram Containment and Prevention of Covid-19 Act,2020 an zawm that leh that lo kawtthler lunlai leh hmun pawimawhah duty in an vil reng bawk a ni. Sawrkar office hrang hrang ten Covid-19 awareness Poster 383 leh Banner 8 an tar tawh bawk.
