9/2025-2026 

Siaha the 1st April 2025: Mizoram Sawrkar Flagship Programme ‘Bana Kaih’ hnuaia Sawhthing lei/hralh tura ruahman chu Siaha District-ah pawh kuthnathawktute hnen atangin felfai taka hralh/ lei mek zel a ni.

Siaha District-ah hian Society hrang hrang ten Primary Collection Centre (PCC) atanga an phurhkhawm sawhthingte chu Secondary Collection Centre (SCC) pahnih- Siaha (DC office Complex) ah leh Tipa (BDO office, old building ) ah te kenkhawm a ni a, heta tang hian kg 1 ah cheng 50/- aia tlem lo a leisak zel an ni a, Mesh bag a thlawna sem niin sawhthing hralh man hi kuthnathawktu, sawhthing chingtute account ah thun zel a ni.

Sawhthing lei thawhkhatnaa Sawrkar in kuthnathawktute hnen atanga Kg 1 cheng 50/- zela a lei thin chu support system a kalpui tawh tura ruahmanna siam pawh peihfel thawkhat tawh a ni a, he ruahmanna ang chuan auction hmanga sawhthing lei tura chhangtu ten kg a cheng 50/- a an lei tlin lohna chauh sawrkar in a tum tawh dawn a ni.

Tum dinhmuna DAMC in Siaha District atanga Sawhthing a lei leh hralh tawh zat chu:

1) Tipa SCC atangin-
Lei tawh zat- 61124 kg (611.24 qtls)
Hralh tawh zat-34119 kg (341.19 qtls)

2) Siaha SCC atangin-
Lei tawh zat- 51938 kg (519.38 qtls)
Hralh tawh zat- 45505 kg (455.05 qtls)

Tarlan tawh angin sawhthing lei leh hralh hi District tina Deputy Commissioner-te chairman na hnuaiah District Agriculture Marketting Committee (DAMC) te hmalaknaa kalpui a ni a, DAMC ah hian District Agriculture Officer-te chu Member Secretary an ni.