No.2192/2021-2022

Aizawl; the 10th September,2021: Vawiin  khan Legal Metrology Enforcement squad,Siaha te chuan an thu dawn bawhzuiin Zyhno khua-ah  eirawngbawlna gas buk tlinglo bur 115 an man.

Legal Metrology te hian Consumer Association, Zyhno khua hruaitute hnen atangin an khuaa gas sem tur chu buk tlinglo nia an rin thu an dawng a,he mi bawhzui hian Legal Metrology Inspector leh a nau te chu Siaha atangin  Zyhno( zawngling) khuaah zuk kalin gas phur motor a gas bur zawng zawng buk vekin buk diklo bur 115 zet an man chhuak ta a ni.Gas hi Tipa (Tuipang) Agency ten Zyhno khua a sem tura an phurh luh a ni a. Gas phurtu Motor hi MZ - 05/7566  niin, driver hi Ajmal a ni. Gas phurtu driver  hian an gas phurh chu an khawih chingpen ngei a nih thu a sawi a,dan angin  action lak nghal a ni a,chinfel ngai dang pawh chinfel nghal a ni.Consumer Association,Zyhno hruaitute chuan staff indaihlo tak chunga an khua a harsatna an neih, dept lamin a hmun ngei a kal chilh a an chinfel sak chu lawmawm an tih thu an sawi.Zyhno (Zawngling) khua hi Siaha atanga chhimlam 85km a hla a awm  a ni.