Vawiin khan Siaha District's CMO (Chief Medical Officer ) office-a Malaria Section staff te buatsaihin Siaha Distric-ah Half Marathon Race buatsaih a ni a.Mi 64, mipa 51leh hmeichhia 13 ten an tlan a ni.

An tlan tanna hmun hi Meisatlah Field a tangin-AOC-Siahatlah-New Siaha-District Playground Siaha Vaihpi a ni. Tlan tan dawnah Dr. Lalnunziri MO i/c Malaria in briefing hun hmangin, vawiin hi World Malaria Day-25th April 2016 a nih a vanga hetiang Programme buatsaih a nih zia te a tarlan a. Malaria laka kan him theih nan :- 1.Thosilen zar.

2.Chenna In DDT kahtir.

3.In leh a vel vawn thianghlim leh tui tling thei te tih bo.

4.Khawsik veleh damdawi Ina in entir.

5.Malaria damdawi course dik leh a hun taka ei pawimawh zia te a sawi a.Dr C.Hniechho DIO in tlandan tur Technical Report tlangpui pein,tlan tan nghal a ni.

Results :- 1st T.Malsawmkima Thosai,Rs 5,000/-(Certificate).

2nd Lalpiangthara Siahatlah Rs 3,000/-(Certificate).

3rd Vl Hmangaihchhunga College Vaih Rs 2,000/-(Certificate).

Consolation Prize (Rs 500/- each):- 1.Lalpianga, 2.Lalchhanchhuaha, 3.Zonunzira, 4.Rl Benzamin, 5.Joseph Laldinliana.

Tlan zawng zawng ten a tawp an tlan thleng vek a.A tawp thlenga tlantu zawng zawngte hnenah lawmman Rs 100/- theuh pek an ni. Clossing programme hi District Playground-ah hman a ni a.Dr HT.Phosa CMO in lawmthu sawina leh Lawmman semna a nei.