2946/2025-2026

Siaha, the 16, January, 2026: Tukin zing dar 7:00A.M. khan Amobyu Vaithie (Zero) khuaah Jal Arpan Diwas (Tui lama inhlantharna Ni) hman a ni a, Pu N. Zakhai, Adviser to CEM, Mara Autonomous District Council-in khuallian niin a hmanpui.

Khuallian Pu N. Zakhai chuan khawtlang rotling tur hmasawnna tha tak thawh zawh a nita chu khawtlang mipuite a lawmpui thu a sawi a. Chutih rualin mipuite pawhin tih tur leh mawhphurhna tam tak an nei tih hriain vantlang thilte hi dimdawi leh zah taka enkawl turin kal khawmte a chah bawk.

Er. Lalmuanpuia, SDO, PHED in zero water supply schemes, Jal Jeevan Mission hnuaia hnathawh report leh documents hlanna hun hmangin, Meri Panchayat apps hman dan a sawi bawk.

Jal Arpan Diwas tum ber chu khawtlangin an tuitlan tuihna tipung tura hma an lak leh khawl hmante neitu rilru pu-a tha zawka an enkawl dan tur kawhhmuh bakah khawtin te tuia an intodelh theihna tura zirtir a ni. Sawrkar atanga scheme kalphung leh nihphung inziahna hlan chhawnna ni a hman a ni bawk.

Vawiin hun hman hi Ministry of Jal Shakti, Government of India thu chhuak angin Public Health Engineering Department, Saiha WATSAN Division buatsaih niin Er. Viasai Solo, Sr. Executive Engineer, PHED in kaihruai a, hun hlu tak senga sawrkar hmalakna ngai pawimawha kal khawmte hnenah lawmthu sawiin hun a khar a ni.