684/2022-2023
Siaha, May ni 28 : Siaha District Bawrhsap Pu Lalsangliana chuan Siaha District khaw thlanglam khaw thenkhat, Maisa, Laty, New Laty , New Saikao, Kaochao leh Thosai khua te chu an khaw dinhmun hriat chian nan a tlawh hlawm.
Amah an lo hmuahna-ah thu sawiin, Bawrhsap Pu Lalsangliana chuan DC ka nih anga district mipuite tha taka rawngbawl sak hi ka tum a ni a. 12th MADC General Election kan neih zawh taka Mara mipuiten tha taka min tawiawmna-ah District Administration leh Returning Officer ka nihna angin lawm thu rawn sawi a, in khua-ah ngei lo tlawh che u a, lo in hmelhriattir che u leh in dinhmun te lo hriatchian hi a ni a. Chumi atan chuan vawiinah hian in khua rawn tlawh ka ni,a ti. A ranglam a rawn tlawh tur che u in ruahmanna kan siama, mahse 12th MADC General Election puan a lo ni takah chuan tum angin ka lo tlawh hma thei lo che u a ni, a ti bawk.
MADC General Election vawi-12na boruak muanawm tak hnuaiah zawhfel theih a ni hi Pathian tanpuina bakah Mara ram mipui te leh election a mawhphurhna neih sorkar official leh non- official ten min tawiawm thatna zarah a ni a, lawmthu ka sawi tak meuh a ni, a ti.
Kan district tana hma ka lakna tur leh hna ka thawhna tur kawng hrang hrangah min tawiawm tlat turin ka sawm che u a ni, a ti bawk.
Khawtinah DC hi khawtlang hruaitu te leh tlawmngai pawl hruaitu ten lo dawng sawngin, khawtlang tan a an mamawh chi hrang hrang te an lo thlen bawk.
Attachment
- Loading attachment...
