510/2022-2023
Siaha, 17th May, 2022 : Siaha District Bawrhsap Pu Lalsangliana chuan Siaha District khaw thenkhat, Tipa 'B', Tisi, Theiri, Theiva, Amobyu'CH & 'B' leh Amobyu 'V' khua te chu an khaw dinhmun hriat chian nan a tlawh hlawm.

Amah an lo hmuahna-ah thu sawiin, Bawrhsap Pu Lalsangliana chuan DC ka nih anga district mipuite tha taka rawng bawl sak hi ka tum a ni a. Chumi ti theih tura thil pawimawh hmasa ber chu in khua-ah ngei lo tlawh che u a, lo in hmelhriattir che u leh in dinhmun te lo hriatchian hi a ni. Chumi atan chuan in khua hi ka rawn tlawh a ni, tiin, kan district tan leh kan district chhunga khaw hrang hrangte tana hma ka lakna tur leh hna ka thawhna tur kawng hrang hrangah min tawiawm tlat turin ka sawm che u a ni, a ti bawk.

Bial fanga a zinnaah hian bawrhsap hian Myanmar raltlan awmna khuaah te chuan Raltlante camp a tlawh nghal bawk.

Khawtinah DC hi khawtlang hruaitu te leh tlawmngai pawl hruaitu ten lo dawng sawngin, khawtlang tan a an mamawh chi hrang hrang te an lo thlen a ni.