4654/2023-2024

Dated Siaha 18th April, 2024: Member of Parliament (LS) intlanpui 2024 atana inbuatsaihna kal zelah tukin zing dar 6:30 atang khan Siaha district chhunga Assembly Segment pahnih 39- Siaha (ST) leh 40-Palak (ST) a duty tur Election Official- te chu Pu V.L. Hruaizela Khiangte, District Election Officer, chuan DC Office New building kawt zawl atangin a vailiam.

39- Siaha (ST) Assembly Segment ah hian Polling Station-37 awmin, 40-Palak (ST) Assembly Segment ah hian Polling Station- 44 a awm bawk a. Harsatna lian tham awm loin, Election official te hian chawhma dar 12 khan an duty na tur an pan fel vek thei a ni.

Siaha District- ah hian Polling Station -81 a awm a. 39- Saiha (ST) hnuaia Polling Station pahnih - New Colony -I leh College Vaih -I leh 40-Palak (ST) hnuaia Polling Station pahnih- Tipa-V leh Theiri te chu hmeichhe hlangin an enkawl tur ‘All Women Managed Polling Station’ an ni.