2415/2023-2024

Dated Siaha 20th October 2023: Election Commission of India (ECI) in kartin District Election Officer (DEO) leh Media-te inthlanpui chungchangah inhrilhhriatna (briefing) neih thin tura a tih angin vawiin khan Siaha District Election Officer Pu Lalhmunsanga Hnamte chuan a Officer chamber-ah chanchinthar thehdarhtute a a kawm.

District Bawrhsap Lalhmunsanga Hnamte chuan inthlan felfai taka neih a nih theih nan theih tawp chhuah mek zel a ni, a ti a. Tun dinhmunah Election Observer pathum- General Observer, Expenditure Observer leh Police Observer ten an chamchilh mek tih a tarlang a. 39-Saiha (ST) leh 40-Palak (ST) Assembly Constitency-a ding tum ten nomination an file fel tawh tih sawiin, 39-Saiha (ST) ah nomination file panga awmin, 40-Palak (ST) ah nomination file pali an awm a ti.

Chanchinthar thehdarhtute dinhmun pawimawh zia tar langin, DEO chuan inthlanna thianghlim tak a awm theihnan thudik leh rintlak chauh thehdarh turin a chah a. Chanchinthar thehdarhtute pawhin an thil hriat chian duhte zawhfiahna an nei nghal bawk a ni.