Vawiin chawhma dar 11:00Am khan DC's conference Room-ah JAL SHAKTI ABHIYAN( Water Conservation Campaign- Tui  hnianghnar tura beihpui) thlak hawnna inkhawm neih a ni.

Vawiin JSA launch-na inkhawm  hi Pu Lalsanglur, Central Prabhari Officer for JSA leg Economic Adviser, Ministry of Chemical and Fertilizer,GoI , Pu Manik Chandra Pandit,Deputy Secretary,Ministry of Rural Development leh Dr.Sanjay Kumar,Scientist E, National Institute of Hydrology te hova hman a ni.

JSA hi India ram tui harsat zualna district 256 thlanchhuah te a kalpui tur a ni a. Mizoram state atangin Siaha District hi JSA beihpui thlakna tura thlanchhuah district zingah a tel ve a ni.

JAS beihpui hi Phase hnih(2) a kalpui tur a ni a.  Phase-I na hi Monsoon lo kal lam dawng State leh UT-ah te July ni 1 atangin September ni 15 chhunga hman tur a ni a. Phase-II hi Monsoon letlam dawng State leh UT-ah te October ni 1 atanga November ni 30 chhunga kalpui tur a ni thung.

JAS hi District leh State a concern official te leh Central sawrkar a Officer leh  Scientist te  nena thawk hova kalpui tur a ni a.JSA beihpui thlakna tur leh thlak dan tur targeted intervention Point 5 duanchhuah zulzuia kalpui tur a ni.

Siaha District Bawrhsap Pu Bhupesh Chaudhary IAS pawhin heng point 5 zulzuia, JSA beihpui thlak tura Siaha district inpuahchah dan leh hmachhawp te Power point presentation hmangin a entirna  bawk.

Pu Lalsanglur chuan  JSA hi Prime Minister pet project a ni a, Dept.of Drinking water and Sanitation(DDWS) hnuaiahv Ministry hrang hrang thawhhona a kalpui tur a ni; tiin,Siaha district in tui a lo hnianghnarna tur beihpui thlaknaah hian  theitawpa chhuaha sawrkar tanpui turin Siaha district mipui te a ngen hlawm bawk a ni.

DC conference room-a JSA beihpui thlakna inkhawm zawhah hian  khawpui chawmtu PHED tui lakna hnar (Gravity system) Tlapi a mi chu tlawhin, Central Prabhari Officer Pu Lalsanglur leh a team te chuan JSA beihpui thlak bultan nan thingtiak an phun nghal a ni.

Vawiin JSA bul tanna inkhawmah hian Head of Office te,MJA member te, Tlawmngai pawl hrang hrang aiawh te,Joint VC aiawh te leh sawmbik zirlai naupang te an telkim hle a ni.