2941/2024-2025

Siaha the 12th November 2024: Vawiin chawhnu dar 1:30 khan District Bawrhsap Pu VL Hruaizela Khiangte kaihhruaina hnuaiah Siaha District Level Committee on Disability chuan DC Office Chamber-ah thutkhawmna an nei. 

Thutkhawm kaihruaitu Pu VL Hruaizela Khiangte chuan rualbanlote dikna leh chanvo tarlanna leh Humhalhna Dan - the Rights of Persons with Disability, (RPwD) Act 2016 hriatchian chu mitin mawhphurhna a nih thu a sawi a, He dan in a phut ang takin leh rualbanlo ten an dikna chanvo an neih ve theih nan Sawrkar pisa, zirna in, College, Hospital, Health Care Center, Biakin leh vantlang hmun hrang hrangah ruahmanna siam a, inbuatsaih a tul a ti bawk a ni.

Thutkhawmnaah hian Pi LS Lalbiakzuali DSW&TAO, chuan Siaha District chhunga pianphunga rualbanlote tana hmalak tawhnate report pein, hmabak leh hmachhawp an neih te a tarlang bawk. District Level Committee on Disability chuan Siaha District bika Rualbanlo ten dinhmun laili zawk an chan theih nan leh danin an chanvo a ruatsak te an hmuh ngei theihnan hma lakna tur hrang hrang a duang nghal a. Committee chuan Mipui, Kohhran, NGO leh Sawrkar hnathawk ten Rualbanlote dikna chanvo (Rights of Person with Disabilities Act, 2016) an hriatchian lehzual nan Rualbanlote Ni (World Disability Day) December 3, 2024 a lo awm tur chu awareness neihna atana hman a rel bawk a ni. ‎

Attachment

  • Loading attachment...