115/2025-2026 

Dated Siaha, 10th April 2026 : Krishi Vigyan Kendra, Siaha District buatsaihin vawiin khan Noaotlah - III (KM 10) khuaah Mera Gaon Mera Gaurav model village hun hman niin Lei hrisel tura enkawl dan leh leiṭha pek dan inzirtirna hun hman a ni.

Vawiina hun hman hi Pu Isaac Lallawmkima, Subject Matter Specialist (Agronomy) Krishi Vigyan Kendra, Siaha District in zirtirna pein a hmanpui a. Pu Isaac Lallawmkima leh Pu C. Vanlalawmpuia, Farm manager Krishi Vigyan Kendra, Siaha District-te chuan Soil testing tih dawna lei lak dante, dik taka leiṭha pek a pawimawh ziate, leilung da tawh leh chhe zel tur ven dante Farmers-te hnenah an zirtir bakah a taka entir theih chi chu a taka tihchhin nghal a ni.

He programme hi sawrkar laipuiin a ngai pawimawh êm êm a, Siaha district chhung khaw hrang hrangah zirtirna hi neih chhunzawm zel tura ruahman a ni. Hun hmannaah hian Noaotlah - III (KM 10) khuaa Lo/Huan neitute an tel ṭha hle.