4340/2025-2026

Dated Siaha, the 07 February, 2026: Siaha District Level Nasha Mukt Bharat Abhiyaan Committee ṭhukhawmin a rêl angin Siaha District chhung Myanmar ramri hrula khaw awmte hnenah Ruihhlo ṭhat lohzia inzirtirna neih a ni.

Pi LS Lalbiakzuali, Member Secretary Siaha District Level Nasha Mukt Bharat Abhiyaan leh District Social Welfare Officer-  nibawk chuan fehchhuaka kalte hi a ho a, nimin leh vawiin khân Siaha District chhunga Myanmar ramri hrul khaw pali - Lobo, Chhaolô, Iana leh Siata-ah drugs free India campaign an nei a, District chhung ramri hrul khuate an tlawh chhunzawm zêl ang.

Siaha District Level NMBA member-te hian mipui kalkhawmte hnenah Ruihhlo ṭhat lohzia te, Ruihhlo tihchhin pawiza leh ram leh hnam tibuaitu, chhungkaw tam tak tikehchhetu leh mipui tiralmuang lotu anih thu uar takin an sawi a. Ruihhlo in a la tihbuai loh ṭhalai duhawm tak takte venhim leh tichhin miah lo tura zirtir chu nu leh pa leh rilru fîm pu puitling zawkte mawhphurhna a ni tih hre thar leh tûrin an chah bawk.

Tin, Ruihhlo do hi sawrkar department leh tlawmngai pawl kutah chauh dah theih a ni tawh lo tih lanna chu chhungkaw tin leh khaw tin harsatna tawh a ni. Ram leh hnam hmelma anih avangin hmelma chu mahni ngeiin do a ngaih thu sawiin, Ruihhlo lakah hnehna changa ram nuam leh ralmuang tâk din tûra theihtawp chhuah tûrin kalkhawmte an fuih a ni.

Siaha District Level Nasha Mukt Bharat Abhiyaan member fehchhuakte hi Tipa leh Siaha RD block BDO in ruahmanna an siam angin khawtlâng hruaitute'n lo dawngsawngin mipui kohkhawmna tur hmunhma an lo ruahmansak a ni.