3984/2024-2025

Siaha the 26th January 2025: Mizoram sawrkar hnuaia Urban Development & Poverty Alleviation (UD&PA) Department buatsaih Mizoram Khawpui Fai Intihsiakna 2024 neih zawh takah Siaha chuan District Headquarters Category-ah khawpui fai ber lawmman pahnihna a la a, Mizoram Governor General (Dr) Vijay Kumar Singh, PVSM, AVSM, YSM (Rtd) chuan Citation mawi tak leh pawisa fai a hlan. Siaha District hian Mizoram Khawpui Fai Intihsiakna 2023 ah pathumna lawmman a lo la tawh bawk a ni.

Khawpui fai intihsiaknaah hian Category hrang hrang siam niin Category 2 (District Headquarters) bikah Saitual District chu pakhatna niin Siaha District chuan lawmman pahnihna a la a, Serchhip in lawmman Pathumna a la thung a ni.