3398/2023-2024

Dated Siaha 19th January 2024 : Sawrkar laipui scheme pawimawh tak 'Viksit Bharat Sankalp Yatra' Siaha Block- a kalpui mek chu vawiin chawhnu dar 1 khan a kharna hun Traffic Point, Siaha Vaihpi ah neih a ni.

Siaha RD Block huamchhung a 'Viksit Bharat Sankalp Yatra' (VBSY) kharna hunah hian VBSY hnuaia line department hrang hrangte hmalakna leh an hnathawh dan tlangpui te sawifiahna neih a ni a. VBSY chu Siaha RD Block- ah hlawhtling taka kalpui niin mipuiten an chhawr tangkai hle a, hmasawnna duhawm tak hmuh ni bawkin tluang takin vawin khan Yatra hi khar a ni.

Siaha RD Block- a khua 19 zinga khua 11 chu 'VBSY Mobile IEC Van' hian a tlawh thei a, Gram Pachayat 54 -te zinga Gram Pachayat 39-te Mobile IEC Van hian a tlawh bawk. Motor kawng that tawk loh avangin 'Mobile IEC Van' hian tlan theihlohna hmun a nei nual a, hemi avang hian khua thenkhat erawh a tlawh chhuak thei lo thung.

Viksit Bharat Sankalp Yatra- hi sawrkar laipui scheme- te mipuiten chiang zawka an hriat theih nan leh a dawngtu tur ngei ten hamthatna an dawn theih nan inhrilhriat tharna leh inziahluhna hun hawn tur a kalpui a ni a. VBSY kalpui nan hian Siaha District hian IEC (Information, Education and Communication) Mobile Van pakhat a dawng a. December ni 18, 2023 khan Pu Lalhmunsanga Hnamte, District Bawrhsap leh Chairman, District Level Committee on Viksit Bharat Sankalp Yatra ni bawk chuan 'Mobile IEC Van' hi a lo vailiam tawh a ni.