No.3250/2019-2020

Tukin zing atang khan Siaha Town Chhung veng hrang hranga Village Level Task Force Committee te chuan an veng chhungah theuh an duty tan ta.

Task Force committee te hian danin a phal piahlam mihring leh lirthei; lut leh chhuak a awm em? ti te, essential commodities zuar dawrkai hawn phalsak leh a dawrtu tur te phalna lo issue sak te, dawrkai ten an bungrua an chheprel em? thil man an ti to thut em? Home quarantine mek te an tawmim tha em? tih te leh Home quarantine tur in self- quarantine lo an awm em? ti te LLTFC hian a buaipui a ni.

Vawiin Lockdown duty ṭan ni a la ni bawk a, mipui a te mamawh lei leh lakkhawm chungchangah ruahmanna a la felfai tawklo ni in a hriat. Ei-in leh damdawi lei tura VLTFC hnena phalna dil an thahnem hle a, veng thenkhata VLTFC ten Dawr hawn hun bituk siama dawr an hawntirin, thil lei tur mipui inhawrkhawm pawh hmuh tur an awm nual bawk.Naktuk aṭang chuan khawlai chhuak hi a tlem hle tawh beisei a ni.

Vawiina town chhunga VLTFC duty hi Pu Malsawmtluanga,Addl.DC, Pu N.Vabeiratlua,DIPRO, Pu Robert Beihrosia,SDPO leh Pu Lalṭhakima,SDC ten tlawhkual in, VLTFC duty ho hnenah lawmthu an hrilh hlawm. Pu Malsawmtluanga chuan Covid-19 laka kan him leh him loh kawngah GoM in VLTFC hnenah mawhphurhna sang tak a pe che u a. Tha thlah lovin Lockdown chhung na nâ nâ chuan lo duty chhunzawm zel rawh u, tiin a ngen hlawm.

VLTFC duty te chuan sawrkarin duty te tan Glove & mask bakah covid-19 avanga chhuanchham chhungkua lo awm ta se, chutiang atan a relief fund te pe thei se an duhthu vawiina anmahni tlawhtu official te hi an lo hrilh bawk a ni.