3643/2023-2024

Dated Siaha 2nd February 2024:-Vawin chawnhma Dar 10:30 khan Samagra Shiksha Siaha, District leh Officers Clubs Siaha District-te tangkawp 'Career Mela' 2023-2024 - chu Forest Hall, Mara Autonomous District Council - ah neih a ni.

Vawiina 'Carreer Mela' buatsaih hi Pu.T.Chatlua, Addl.DPC, Samagra Shiksha, Siaha District chuan a kaihhruai a. Resource Person pahnih, Dr.HC.Joane Mary, Veterinary Officer, MADC leh Pu Reuben T.Kompa, District Labour & Employment Officer- te chuan sikul naupang kalkhawmte hnenah an hmalam huna an hnathawh tur leh eizawnna tur chi hrang hranga hma an lak dan turte zirho a ni a. Sikul naupangte tana 'scholarship' dil tur awm thei ang angte leh zirna sang zawka entrance pek tur chi hrang hrang leh pek dan turte zirhona an nei a ni.

Vawiin 'Career Mela' hi High School leh Higher Secondary School- a hmeichhe naupang pual bik a buatsaih a ni a. Zawhna leh chhanna hun hman nghal zel niin naupang ten an hriatthiam loh hrang hrangte zawhna siam in hun hlimawm tak an hmang a ni.