4169/2023-2024

Dated Siaha 14th March 2024 : Vawiin chawhma dar 11 khan DC Mini Conference Room- ah Pu V. L. Hruaizela Khiangte, Deputy Commissioner, kaihhruaiin District Consultative Committee/ District Level Review Committee/ District Level Security Committee- te chu Quarterly Meeting For December, 2023- neiin an thukhawm a. Thutkhawm ah hian Lead District Manager & Convener, Lead Bank Office- Pu James M. Soren bakah Bank hrang hrang Manager -te leh Line Department hrang hrang aiawh te an tel a ni.

Pu V.L. Hruaizela Khiangte chuan thutkhawm a lo kalte hnena lawmthu sawina a nei hmasa a. Ram leh mipuite tana hnathawk tur kan nih angin theihtawp chhuaha mahni hnaah rinawm taka kan thawh a ngai a ni, a ti. In lak lal leh mahni invurlen tumna nei lo a, mipui tana awm kan nihna i hre reng ang u tiin a sawm a ni.

Pu V.L. Hruaizela Khiangte, chuan October- December Quarter- ah Bank tam tak ten Financial Literacy Campaign (FLC ) an kalpui tha tawk lo nia a hriat thu sawiin, mipuiten Bank loan awlsam zawka an lak theihna turin 'Awareness' tam zawk buatsaih tur leh thla khata vawi khat tal 'FLC' kalpui thin turin Bank -hotute a chah a ni. School leh College zirlaiten 'Student Loan' an mamawh em em thin tih tarlangin, zirlaite tana awlsam leh zau zawka Loan pechhuak thin turin a ngen a. Sawrkar laipuiin mipuite tan hamthatna tam tak a duang thin a, chung hamthatna chu Bank kaltlanga tih ngai a awm fo tih sawiin Pu V.L. Hruaizela Khiangte chuan mipuite hnenah zau zawka puangzar thin turin Bank hotute a chah bawk.

Bank - a thawkte dinhmun pawimawhna sawiin Pu V.L. Hruaizela Khiangte chuan anmahni dawrtute chu tha leh hawihhawm taka lo dawngsawng thin turin a ngen a. Bank atanga loan lak theih hrang hrangte mipuite hnena puanzar a tul ang chiahin Loan recovery lamah pawh mipuite hnena inzirtirna tha zawk peh a tul hle a ni, a ti.

Sawrkar kum thar a lo thleng mai dawn tih tarlangin Pu V.L. Hruaizela Khiangte chuan sawrkar kum tawp tha taka khar tur leh hmasawnna thar nei ngei turin Bank hotute duhsakna a hlan nghal bawk.

Pu James M. Soren, Lead District Manager & Convener, Lead Bank Office- chuan December ni 31, 2023 thleng a bank hrang hrangte performance report tlangpui pekna a nei a. Sawrkar scheme hrang hrang- Pradhan Mantri Jan Dhan Yojana (PMJDY) , Social Security Scheme, Deposits and Advances, CD Ratio, Kisan Credit Card (KCC) , Joint Liability Group (JLG) , Self Help Group (SHG) , Pradhan Mantri Mudra Yojana (PMMY) , National Urban Livelihoods Mission (NULM), National Rural Livelihoods Mission (NRLM), Prime Minister's Employment GenerationProgramme (PMEGP) leh Annual Credit Plan (ACP) hnuaia Agriculture, MSME, Education, Housing leh Infrastructure- a Bank te hnathawh leh dinhmun tlangpui tarlanna a nei a. Non- Priority Sector (NPS) Outstanding & Non Performing Assets (NPA) report a pe tel bawk a ni.