No.288/2021-2022

Siaha; the 27th April,2021: Vawiin chawhma dar 11:00 am khan DC conference Hall-ah District Fire Prevention Committee an thu khawm.

Vawii Meeting-ah hian tahrik ni 25/4/2021-a Mizoram hmun hrang hranga ram kang leh hemi ni leh nimin (26/4/2021) thlenga Siaha District chhung hmun hrang hranga ram kang chungchang huangzau taka sawi ho a ni a. Eng vanga ram kang hi chhuak nge? engtia ven tur nge, ti te khunkhan taka sawi ho a ni.

MADC Forest department chuan Ram kan chhan ni ber a an hriat point 3 an chhawp chhuak a, chungte chu:

1) Mangkhawh hnua hal that leh: Lo neitu tam takin an mangkhawh te an hal that leh hian an fimkhur tawk tawh thin lo.

2) Covid-19 lockdown hi hun thawla ngaia, a ruka luia kal an thahnem hle a. Hengho hi kangmeiah an fimkhur tawk lo thin.

3) Sa pela ramvak thenkhat hian an sa um chhuah nan Ram hal mai an chinga hriat a ni.

NSS Gov't Saiha College atangin Thingtlang khaw 3 atanga Ram kan chhan an zirnaah, Lo/huan/Leipui hal hun sawrkarin a bituk chu an zawm tha lo a, meikawng pawh an sial that loh thu leh dan bawhchhia te pawh hrem an ni lem lo thu an report bawk.

Fire and Emergency Services Dept. atangin report ngaihthlak a ni a. Siaha town atanga 20 Km aia hla an kang thelh motor an kalpui dawn chuan Aizawl lama an hotute dil phawt a ngaih thu te, Fire tender 2 an kawl mek a, Pakhat hi a fit tawk loh thu te, staff an indaih ngang loh thu te report ngaihthlak a ni bawk.

Vawiin meeting chuan tahrik ni 25 leh 26-a Siaha district-a ram kang te zirchiangtu tur Investigation Team din an rel a. Fire and Emergency services Dept pawh rikrum thilah reng reng District Disaster Management Authority, Siaha thu anga awm tur an nih thu hriattir an ni bawk.

Vawiin meeting chuan Covid-19 inkhuahkhirhna Thupek chu khauh leh zuala kengkawh turin VLTF te an ngen a, Covid-19 Inkhuahkhirhna Thupek kan zawm that phawt chuan ram kang pawh a tlem sawt an beisei thu sawiin, VLTF tin ten an area chhungah theuh kangmei laka fimkhur a tul thu tun aia nasaa mipuite hriattir turin meeting chuan a ngen bawk a ni.