4303/2023-2024

Dated Siaha 22nd March, 2024: Vawiin chawhma dar 11 khan District Level Committee on Fire Prevention (DLCFP), Siaha District chu Pu Abraham Beirazi Khithie, Addl.DC kaihruaina in DC Mini Conference Room-ah an thukhawm a, kangmei chhuak venna kawnga an hmalakna hrang hrang leh thil pawimawh dangte an sawiho a ni.

Pu Abraham Beirazi Khitie, chuan thutkhawma lo kalte chunga lawmthu sawina nei hmasa a, kangmei chhuak laka mipuite an fimkhur zelna tura hmalak chhunzawm zel turin theihtawp chhuah a ngai a ti . Kangmei chhuak tam tak hi mipuite fimkhur tawk loh vang a ni a, in leh ramngaw kang thin mai bakah nunna chan hial an awm fo thin a, mitin kan fimkhur a tul takzet a ni, a ti. Kum tinin Mizoram hmun hrang hrangah ram a kang nasa thin hle a, Siaha District- ah ngei pawh kangmei vawi tam tak a chhuak a, heihian kangmei chhuak tur venhimna kawnga tan lak a tul zia a tichiang hle a ti.

Kangmei chhuak tam zawk chu mahni huan leh lo/leipui hal laia fimkhur tawk loh vang a ni tiin Pu Abraham Beirazi Khitie chuan hei hian fimkhur zawk a huan leh lo te hal a tul zia a tichiang hle a ti. Kang mei chhuakin ziaawm lam a pan theih loh avangin kangmei chhuak laka invenna felfai taka kalpui a pawimawh takzet a, mipuite hnena zirtirna pek kawngah pawh sawrkar Department hrang hrangte tanho a pawimawh hle a ti a. Khawtlang aiawh- NGO leh VC- te pawhin mawhphurhna lian tak an nei tiin, mipuite pawhin theihtawpa tan lo la tur leh kangmei tichhuak lo tura fimkhur turin a chah a ni.

Pu Beichatlaisa Azyu, Forest Range Officer, MADC, chuan report tawi pekna neiin, Kohhran leh khaw tin VC- te hnenah kangmei chhuak venna tur a tihtur pawimawh hrang hrangte ziaka pek an ni tawh a ti a. Fire Prevention Week- chu hlawhtling taka hman a ni a, Street Banner pawh tar a ni, a ti bawk. Kangmei chhuak lo turin 'Fire line cutting' pawh 23.2 km lai sial ni tawhin, Control burning- pawh tih a ni tawh bawk a, mipuite hnenah inzirtirna 'Awareness Campaign' chu khaw- 23 ah neih a ni, a ti. Forest Department, MADC chuan Fire and Emergencies Department- ah Forest guard pahnih deputation- in a dah tawh a ti a. Tun dinhmunah Siaha district huam chhungah Fire incident vawi- 250 thleng tawhin , kangmei chhuak ram 138 hectre chu enfiah tawh a ni, a ti. Green Mizoram Day- hman hunah kangmei chhuak tur vengtha khua pathum hnenah lawmman pek an ni dawn a, kangmei laka fimkhur tura thuziak chhuah tha chanchinthar thehdarhtute hnenah lawmman pek a ni bawk ang a ti.

Vawiin thutkhawma sawiho zingah Chhaolo khuaten ni 15, March hmaa an Lo vah an hal hman loh chu ngaihtuah niin, mipuite eizawnna tihtawp sak chu thil rem chiah lo a ngaiin, hal tir chu tha an ti tlang a. Forest Department - ten uluk takin lo vil se, ram zau zawk a kan lohna turin kangmei kawng tha takin sial ngei rawh se an ti a ni. Fire and Emergencies Department- thawktu indaihlona chu an hriatpui tih tarlangin, a tul ang a hmalakpui zel nise an ti a. Kangmei chhuak laka invendan tur changtlung taka zirho na turin 'mock drill' nei thei tura hmalak nise an ti a, Green Mizoram Day chu hlawkpui zawka lawm nise an ti bawk.

Vawiin thutkhawmah hian District Level Committee on Fire Prevention (DLCFP) member-te an tel tha hle a ni.